فتشت اغراض الشغالة اليوم . وهل الكمبوديات عندهم سحر

بسم الله الرحمن الرحيم

الي حصل اليوم انه امس جبنا شوكولاتة لاطفال من اقاربنا كانوا عندنا


رحت اليوم حوالي س وحده الفجر ادور الشكوكولاته ومالقيتها

شكيت على طول بالشغالة لان مافيه احد يفتح دواليب المطبخ غيرها

وماهمتني الشوكولاتة بحد ذاتها الي خوفني انها تكون من النوع الي يمد يدها

ولأني سبق وفقدت مفتاح البيت وكان بالميدالية مع مفتاح غرفتي

سالت اهلي حتى أتأكد قالوا مااخذنا اي شوكولاتة

جاء اليوم الصبح وقلت راح اختبرها واختبر ردة فعلها

لاني دايما اسألها عن اغراض وتسوي نفسها مافهمت علي

وكل الي توقله لاء , لاء مافيه اخد

سألتها ياحلوة فيه شوكولاته هنا جيبيها

ورحت على غرفة الضيوف

قلت أبي اعطيها فرصة

اذا راحت غرفتها وجابت الشوكولاته
معناها انها مي من النوعية الي تسرق
لأن الي طبعها دايم تسرق تكون متقنة السرقة
وتقول لك مااخذت شئ بكل ثقة

الي حصل انها جت لي وسوت نفسها ماتفهم وش اقول
وبعدين تقول لاء مافيه اخد

اوه نسيت اقول لكم اني قبل لا اقول لها عن الشوكولاته
رحت غرفتها ولقيت الشوكولاته على سريرها
يعني ماخذتها

المهم بعد مانفت انها اخذت
قلت اكيد هذي هي الي ماخذة مفتاح البيت
واكيد انها ماخذة اغراض ثانية غيرها
رحت فوق
طليت على شنطة
لقيتها حاطة في الشنطة اغراض لي
مسكرا , وبعض ادوات التجميل
لقيت معها ساعات بالكوم ثنتين منها لنا ==> مالحقت تجمع
ونظارات لاخوي
وصورة لزوج اختي اخذتها من درج في البيت

ولقيت عندها بكل صغار لاطفال وشباصات وساعات شكلها للناس الي قبلنا

وجوال لنا

وعطر كانت امي كم مرة تسألها عنه وتقول جيبيه
لان امي كانت شاكة انها تسرق

ولقيت عندها صورة لبنت صغيرة
شكلها صورة للناس الي كانت تشتغل عندهم
وسارقة منهم اشياء كثيرة

اخذت كل الاغراض الي سرقتها منا وصورة البنت لاني خايفة انها تسحر

احيانا اقول في نفسي شكلها تبغى تجمع لمجرد انها تجمع
ان شاء الله مو قصدها السحر , مجرد انها يعجبها الشكل تاخذه
لاني لقيت معها بطاقات مستوصف لنا وكروت
وماخذة مصحف صغير بالمرة

وتعاملنا معها كويس جدا
من ناحية الأكل تاكل ونسد حاجتها
واللبس مانقصر معها

واذا على الشوكولاتات
دايم اجيب واعطيها احيانا
وسبق اكتشفت انها تاخذ حلويات من تحت لتحت لكن كنت اطنش وامشيها
بس انها زودتها

ومشكلتها انها تاكل بشراااهة
يعني شئ حاطينه على جنب واحنا مااكلنا منه
نلقاها فاتحته وآكلته

مع اننا ككل العائلات السعودية
نتعامل معها بمسئولية ونجيب الاندومي نعطيها جزء منه وجزء لنا
نلقاها مخلصة الي عندها وماخذة الي عندنا

الي كنت خايفة منه انها تستغل طيبتنا انا وامي معها

السؤال الحين
ايش رايكم يا بنات
هل الكمبوديات يسحرون
وايش الموقف الي المفروض نتخذه معها
هذي الشغالة تقريبا لها شهرين عندنا
وكنا تونا مسفرين شغالة بسبب مشاكل سوتها
بهذلة والله

جبنا الكمبوديات قلنا جديدات على البلد وقليل من جنسيتهم هنا
لكن ماسلمنا

راح اقول لامي علشان تواجهها
لكن ايش رايكم اسوي لها بعد