انا واالله مالي علم بالامور ومقدر افيدك لاكن ابقولك انتي ارتكبتي خطاء هو انك تجسستي عليه وهاذا منهي عنه لحيث رسول الله لا تجسسسوا ,, مانهى عنه الا لااضراره لو كنتي ماتدرين افضل بس اعلمك قصته وحدة ممن البنات وطبقيها وان شاء الله بتدعي لي الدعاء الي في التوقيع وان الله يسخر زوجي كما سخر الابحر لموسى ,, القصه يا غاليه هاذي وحدة قالتلي بالحرف الواحد تقول زوجها راعي استراحات ومايقعد بالبيت يروح يقعد بالاستراحه عشان الافلام وحتى الافلام الي بكرت يجيبها بس بالاستراحه وهي تدري من يوم ماتزوجت وهومايقعد بالبيت وعلى طول غامض معها ومايجيها الا ساعه الباقي برا قامت حاولت معه يقعد يترك اصحاب السوء والاستراحه ويجلس مافي فايدة اخذت سنه وهي تنصح فيه بعدين مالقت الا طريقه وحدة تقول رحت اصلي الصلاة بوقتها وادعي ان اللله يصرفة عن الامور ذي كلها ويحببه فيني وفي الجلسه معي تقول وصلاة الضحى ما اخليها والوتر ما تنام الا لما تتضرع بين يدي الله وتبكي وتدعي وتخلص واجباتها بالبيت تقو ل اقسم بالله اني ماكملت شهر الا وزوجها ترك الاستراحه والافلام ورجع لها تقول والله قبل يقول لو ايش ماتركها لاكن سبحان الله وكلت امرها لله بصدق نيه ولجات لربها واستجاب لها سبحانه انا من رايي لا تكلمينه سوي هاذي الطريقه وان شاء الله تبشرينا هنا وتبشريني وان شاء الله البنات يستفيدون بين يوم صبرت سنه ويوم وكلت امرها لربها شهر

بس اهم شي يا اختي اليقين ان الله ماراح يخليكي

حبيبتي نصيحه مني لاتقوسين تجارب غيرك عليك وعلى زوجك
عليك بالسكوت وتنطيل الكلام عليه مثلا قولي استغرب بعض الرجال يكونون علاقه مع بنت مايدرون ايش فيها من الامراض مو شرط ايدز وباء كبدي الله يكفينا الشر خوفيه بس لاتقولين انت أنتبهي لان بعضهم يعاندون
وذكريه ان الواحد اذا مات مايبقى معه الاعمله
وعليك بالصدقه والاستغفار ودعواتك له بالهدايه والله يصلح الحال

نصيييييييييحه لا تكلمينه لانه راح ياخذ احتياطه ممكن يطلع رقم ثاني وما استفدتي شي
مالك غير الدعاء اونك تفكري بطريقه تضيع الجوال ع انه انسرق مثلاً بمكان عام وبعد فتره من ضياع الجوال خذيه اذا كان مو بالبيت
وارسلي للبنت رسايل تهديد ع اساس انك رجال يعني ابتزيها بتخاف ولا عاد بتفكر تتصل وبكذا زوجك ماراح يعرف رقمها لانه بجهازه اللي انسرق صح >>فكره جهنميه صح :)

من تجربة عليك بكثرة الصلاه اخر الليل والاستغفار والمحافظة على الصلوات المفروضه والصدقة والله ما تحسي بزوجك الا هو لازق فيك سبحان الله قلب الانسان بيد الله يقلبه حيث يشاء وما انصحك بالمواجهة بس دقي بالكلام والله ييسر امرك