من العنوان واضح من فترة سويت فيتوشيني الفريدو اممم لذيذة وقلت اليوم انزلها واوريكم اياها
بسم الله
المقادير :
مكرونة فتوشيني ( أنا سويت نص الكيس )
نص علبة كريمة خفق
ملعقة ونص كبيرة قشطة
ملعقتين كبار جبن كاسات
2 فص ثوم مهروس
حبة جزر مقطعة عيدات
حبة فلفل رومي مقطعة عيدان
ماجي
جبنة موزريلا
بروكلي ( نسيت اصوره )
بقدونس
صدور دجاج مقطعة مكعبات صغيرة دجاج تبهرينها قبل 3 ساعات على الاقل
هنا البهارات اللي استخدمتها في تتبيل الدجاج ( ثوم بوردة - زنجبيل بوردة - اوريغانو - رشة خفيفة بزار بحريني - اعشاب عطرية ايطالية - فلفل اسود - رشة خفيفة كمون - رشة خفيفة كركم - شطة مجروشة) وتحطي عليه زيت زيتون وتخلطينه مع الدجاج عدل
الحين نجي للطريقة
نسلق المكرونة في ماي وملح وزيت زيتون ورشة خفيفة اوريجانو
في قدر نحط زيت زيتون والثوم المهروس ونخلي الثوم لحد مايصير لونه ذهبي
نضيف الدجاج
نضيف عيدان الجزر والفلفل الرومي ونخلط مع بعض و نتركه لحد ما يستوي الدجاج مع التقليب كل شوي
نضيف بروكلي
نضيف بقدونس ( أنا ما كان عندي فرش فحطيت مجمد ) نخلط كل شي مع بعض ونسكر الجدر
نروح نجهز الصلصة في كوب أو مكيال حطي نص علية كريمة خفق وذوبي فيها مكعب الماجي
ضيفي الكريمة على الخضار والدجاج
ضيفي القشطة وجبنة الكاسات
يتبع .. لا حد يرد
نواصل
بتكون المكرونة جهزت شخليها عن الماي وحطيها على الدجاج والخضار
خلطي المكرونة مع الصلصة واضيفي عليها جبنة موزريلا خلطي كل شي مع بعض وتركيه لدقايق يغلظ شوي
وهنا شكلها وقت التقديم رشيت على الوجه اعشاب ايطالية وارويغانو
وبكذا نكون خلصنا .. اتمنى تكون عجبتكم