كل الشاميات اللي ردن على الموضوع احب اقولهن
من تدخل فيما لايعنيه سمع مالا يرضيه ليش القافه وش دخلكن بالسعوديه حنا وضعنا غيررررررررررر عن الدول الثانيه ومشايخنا اعلم بوضعنا صدق ملاقيف
انتم كل شي عندكم عادي وتبون نصير مثلكم ارتاحن بس

اخواتي العزيزاتdianah840
و Dndosha
وكليوبترا الشام


شوووووفو اول شي انا احب انقل كم فتوى سمعتها بنفسي ماحد قالي انا سمعتها لعالم من العلماء طبعا هو مصري هذا العالم نسيت اسمه بس كان على قناة وصال .. سألته وحده متصله وقالت ياشيخ احنا في بلادنا مسموحه القيادة للمرأة هل يجوز لي اني اسوق سيارتي ينفسي والا اركب في وسائل المواصلات العامة والتاكسي؟؟ .. جاوبها الشيخ قالها سوقي سيارتك الخاصة افضل.. لأن احسن ماتركبين في المواصلات العامة وتحتكين بالرجال سيارتك أمنه لك اكثر ... ثم قال هذا في البلدان التي تسمح بقيادة المرأة لسيارة أما في أرض الحرمين مادام ان الحكومة لاتسمح بقيادة المرأة وأن الشعب السعودي شعب قبلي محافظ يكرم المرأة ويوصلها للمكان الذي تريده ويلبي لها احتياجاتها فلاحاجة لخروج المرأة ولايجوز للمراة القيادة وقال هذا من فضل الله على ارض الحرمين ان حفظ للنساء كرامتهن وعفتهن >> طبعا لاحظو هذا الشيخ مصررررري والله مو سعودي ......


المهم حبيت اقولكم ياخواتي ماادام انتو في بلدان تسمح بقيادة السيارة مافي مشكلة وان شاء الله انه مو حرام مادام انك تخرجين بإذن زوجك او اهلك وتروحين لأماكن حاجتك وماتكونيين متبرجه او شي وانتو اتبعو كلام علمائكم في بلادكم اللي تثقون في علمهم وفضلهم


.......
لكن فتوى بن عثيمين وبن باااااااز وهيئة كبار العلماااااااء هي بخصوص قيادة المراة في (السعودية ) .. لان اصلا احنا ماعندنا قيادة وهذا من فضل الله علينا فما في داعي اننا نفتح باب للمفسدة .. يعني احنا ياأخواتي اهلنا يوصلونا كل مكان الأب والأخ والزوج يوصلونا لأماكن عملنا وللسوق ولكل مكان فما في داعي ان المراة تسوووووق هذا اولا .. ثانيا حجاب المرأة السعودية يختلف عن حجاب اخواتي في الشام والأردن يعني احنا عندنا منقبات طبعا هذولا العوام اما الملتزمات حتى النقاب يحطون فوقه طرحه ثانية وقفازات ماشاء الله وهاللبس من المستحيل المرأة تقدر تسوق فيه .. لكن انتو علمائكم يجيزون لكم كشف الوجه وهذا فيه اختلاف بين العلماء يعني في فرق بيننا وبينكم ولو سمحو بالسواقة بيجبروننا اننا ننزع النقاب عشان يتأكدون من هويتنا وهالشي مانقبل فيه ابدا .. ثالثا اخواتي احنا ماعندنا اختـــــــلاط يعني المدارس والجامعات كلها منفصلة يعني احنا مو متعودين على الاختلاط صعبه اننا نسوووق والله مو متعودين نحتك بالر جال لكن انتو عادي حتى في الدراسة والعمل اختلاط ماعندكم مشكلة .. يعني في اختلافات كثيرة بيننا وبينكم المرأة في السعودية مو مثل النساء في الدول العربية الثانية لذلك العلماء حرمو القيادة من هذا المنطلق انها مفسدة لاداعي لها ومن منطلق قاعدة قوله تعالى ( وقرن في بيوتكن ..)
ــــــــــــ

فلو سمحتم يابنات مافي داعي تغلطون على علمائنا لاننا احنا نحبهم ونثق فيهم وفي علمهم ومستحيل نخالف فتاويهم مهما كان