فجأة صرت مااحب امي!

مشكلتي كبيره ومالها حل الله يخليكم ساعدوني مدري انا عاقة اولا الله يرحمني برحمته امي طيبة وحنونة ومضحية لابعد الحدود تخاف علينا من كل شي عمرها ماقصرت معنا اوفضلت شي علينا ربتنا احسن تربية لما اشوف الامهات الثانيات احمد ربي على النعمة اللي عندنا فعلا ام بمعنى الكلمة ماتخيلون حناااااانها وحبها لنا خصوصا انا كنت اكثر خواتي حبا وحنانا لها وحنا ثلاث خوات متزوجات امي تمووووووووت في اطفالنا ومتعلقه فينا بشكل مبالغ فيه لدرجة انها تتهاوش مع كل الناس عشانا وتقاطعهم اذا زعلونا وهنا المشكله اللي تعبتني انا لي تسع سنوات متزوجه وكنت اعامل امي احسن معامله لكن الحين لي ثلاث سنوات وانا معاملتي مع امي سطحية جدااا اروح ازور اهلي وانام عندهم اسولف مع خواتي بس امي لا! ماتكلم معها الا اذا بغيت شي او اذا هي سالتني عن حاجة لدرجة انها تبكي وتقول ليش تعامليني كذا وانا ساكتة تخيلو ثلاث سنوات وانا ساكتة لدرجة ان امي تعودت على كذا !!!اكيد بتقولون وش السبب الاسباب كثيره راح اختصرها: 1-امي تتدخل في حياتي انا وزوجي عشان كذا ماصرت اقولها اي شي ولا اطلب النصيحة لان النصيحة دائما ماهي في صالحي ابدااا 2-تتهاوش مع ام زوجي في كل صغيرة وكبيرة عشاني عشان كذا ماعزمت اهلي من زمان لاني ساكنة مع اهل زوجي 3-ماتكلم مع امي عن حياتي باي شي لانها على طول ترفع السماعة وكل قرايبنا دارين وزوجي من قرايبنا حتى لو السالفة تافهة اوخطيرة 4-اذا شافتني امي زعلانة من زوجي وجيتهم او ماتشوفني تفرح وتقول ليه ماجبتي اغراضك كلها!!!!!! 5-اذ شافتني اسولف مع خواتي من ابوي كرهتهم ودعت عليهم !!!مع انها طيبه معهم ومربيتهم 6-حتى اقاربنا خالاتي عماتي اذا شافتني اسولف معهم كرهتهم ولا عاد صارت تبيهم يجونها عشان كذا صرت اتجنبهم قدامها قدر الامكان عشان احافظ على علاقتها معهم 7-اذا كلمتني بالتلفون كل كلامها اسئله احس اني مليت ابي ام تنصحني تعلمني تفهمني مثل ذا الامهات والله تزوجت واني ماعرف اطبخ مع ان امي طباخة بس اذا قلتلها مابي اطبخلهم اذا تزوجت قالت احسن ويوم تزوجت صارت تحرضني على اهل زوجي باستمرار!!!! 8-اذا صار بيني وبين زوجي شي اواهلة هزأتهم بالتلفون مع اني ماقولها شي واحط ان الخطا علي والله خايفه ان الله يعاقبني اني اعامل امي كذا من يوم صرت اعامل امي بهالطريقة وانا مرتاحة من جميع المشاكل ومن تدخلاتها في حياتي بسسسسسسسسسس خايفة من العقاب هل السكوت التام عقوق حتى بنتي الكبيرة عمرها 9 تقول ليش انتو كذ ماتتكلمون مع بعض؟سؤالها قتلني مابيها تكبر وتشوفنا كذا اناعندي بنتين وانتظر الثالث اللي طاااااااال انتظاره اخاف انها عقوبة الله يساااااامحني ارجوكم انصحوني ودي اتعامل مع امي بحنية بس ماقدر تكفون انصحوني.............