فجئة ومثل ماتوقعت قالي لا ماني مسجلها

السلام عليكم
وش الحل معاهم معشر الرجال هذول
وش الحل معهم بيذبحونا وبيموتونا 
الحين صارلي من اللعام اقول الزوجي بنتي بس تكمل4 سنوات بدخلها روضة ويأشر براسه ايوه ان شاءالله 
وانا بقلبي عارفه اذا جت الصدقيه وجا وقت التسجيل  بيطلع عذاريب وحجج ويرفض بس كنت اهدي نفسي انه ان شاءالله هذي المره راح يسمع كلامي 
وفعلا جا وقت التسجيل وصورت جميع الاوراق المطلوبة وقلت الزوجي صباح الثلاثاء تمرني الساعه9 الصباح عشان اسجل البنت وكان موافق وكل شي تمام واوكي 
وجا اليوم وهذاني انتظره وفجئه يدق علي اهلين اسمعي البنت عمرها 4 سنوات صغيره بس تتم 5 السنه الجايه نسجلها ارجعي نامي ماني موديك تسجليها فكرت بيني وبين نفسي وشفت انه بدري
قلتله عيب الحين لي سنه وانا معلمتك وانت موافق توك تتذكر ان عمرها 4 سنوات عيب عليك البنت متحمسه وانا امها قلت بفتك منها تلهي بالروضه وانت موافق وفجئه تغير رايك 
قالي لايكثر ونامي مافيه روضه ولاتفتحي ذا الموضوع ولا بتجيبين المشاكل فوق راسك قلتلك السنه الجايه ،،، وطررك ،،يسكر بوجهي وأدق علية يعطيني مشغول الحين تركته 
بس وش الحل مع هاالنوعيه ليش من الاول قال لا بدل مايحمسني ويحمس البنت ومن مدرسة المدرسة اسأل وبالاخير يسوي فيني كذا 
قسم بالله رفع ضغطي الله يرفع ضغطه حسبي الله ونعم الوكيل