فجئه مااااااااات سوآقنا .... وقررنا نسافر لباريس(مشاركه في الفعاليات)

مناظر ،، احداث ،، مواقف صارت لي ،،

جعلتني أحمد الله على نعمة التكاتف والترابط اللي نعيشها.. وعلى نعمة العقل ..

الحمد الله اننا مسلمين ..

جلسنا شهر بس رحله عرفت فيها حقيقة الكفار وحياتهم .. وكرهتهم ..





طبعا حجزنا سواق من دوله عربيه عايش بفرنسا ..

وكان هو اللي يدلنا على الاماكن الترفهيه..ويساعدنا في الترجمه ...

وحريص يبعدنا عن الاماكن اللي فيها بلاوي عيني عينك ..



اول موقف

لقينا بنت عمرها 18 جدا حزينه ومعاها شنطه .. سألها السواق مابك قالت انا وصلت السن اللي لازم

اعتمد على نفسي واخرجوني اهلي من البيت ..

طبعا ترجم لنا السواق وكانت بالنسبه لي صدمة العمر ،، لصغر سني ماكنت ادري ان عندهم هذا الشي

والله لم انسى الموقف ولن انساه طوال عمري ..

مابينهم لا رحمه ولا تكاتف ولا ترابط .. وين حنان الام وين خوف الاب على عياله ...؟؟

(الحمد الله على نعمة الاسلام والترابط اللي نعيشه )



الموقف الثاني

مكان معين ... فيه لوحه كبيره مكتوب عليها ممنوع دخول الكلاب والمسلمين ؟؟؟؟

ماادري ليش ... رغم حبهم وتقديسهم الشديد للكلاب ..!!





الموقف الثالث

انصدمت من كبار السن والله عجايز منتهين ويمشون مع كلابهم ويهتمون فيهم ..؟؟

لدرجة يوم مر الكلب من عند اختي وصرخت .. زعلت الحرمه :mad:..!!

والله انهم يتكلمون مع كلابهم ويهتمون فيهم وكأنهم عيالهم..

(الحمد الله على نعمة العقل والاسلام يطردون ابناءهم ويتعلقون بـكلابهم ؟؟)

والمحزن انتشار الي يربون كلاب عندنا رغم نهي الاسلام ورغم نجاسة الكلاب وامراضها .





الموقف الرابع

في الحدايق وعلى الارصفه اشوف رجال ونساء كبار وصغار طايحين وكأنهم مرضى

وعيونهم ذابله ،، وفجاءه يطلعون ابره ويضربونها بعدين يقومون

نشيطين ،،هذي المخدرات ادمنوا عليها ..

(يالله لو نشكر ربي ليل نهار على نعمه ماأوفيناه حقه )



غير عيشتهم اللي مثل الحيوانات .. اكل وحب وقرف ومناظر تجيب المرض ؟؟

هذا والسواق حريص يبتعد عن الاماكن اللي فيها بلاوي ...



فيه مدينة العاب كثير رحنا لها ... وكان السواق يقول في طريق ثاني يوصل لهذي المدينه ،،

بس ما أمر من عنده لان النساء في هذا الشارع على الارصفه

بملابس اغراء واللي يبي يطب ويختار ..

(الحمد الله اي عيشه هذي ،، والغريب بعض المسلمين متيم بالغرب والسفر لهم )



شعرت هناك بغربه كبيره رغم صغر سني الا اني حسيت بأمور داخلي ..

والله اشتقت لشوارعنا ورجالنا المحترمين ... اشتقت لشوفة العبايه ...

يالله هناك وجيهم فيها غضب ...؟؟




الموقف الخامس

منظر الرجال وهم سكارى شي يفجع يمشون ويهذرون وعيونهم حمر ؟؟

يطالعونا بشكل مرعب ويمشون ورآنا ...

( بالله اي عيشه هذي ،، شوفتهم تضيق الصدر ،، كيف نتمشى بديارهم )



ماانسى واحد يطالعني ويسوي حركات اعجاب بوجهه ويبتسم ابتسامه مقرفه ...

والله ان اخوي الكبير معي ولا خاف الحقير ولا استحى ... طبعا اخوي ماانتبه ؟؟

وشوي رحت وابعدت عن اهلي الا اللي يلحقني والله ماانسى شكله ..من جد رعب ..

وبسرعه ارجع واجلس .. ومن هول صدمتي ماقلت لخواني وسكت ؟؟





الموقف السادس ..

كنا راكبين لعبه،، واللي يشغلها طووووول ماوقفها.. انتظرنا وملينا ونأشر له عشان يوقفها ،،

ومافي فايده ... الناس تكلمه وهو شكله غريب عيونه حمر ويضحك ويتكلم ببطء من جد يفجع ،،

عارفين انه كان سكرآآآآآآآآآن وشارب لين قال آمين ... المهم نام وتركنا :eek:

آخر شي وبعد ماطفشنا قام وطفاها ونزلنا ..

( عايشين حياة غريبه عجيبه ،، دايم سكارى يحاولون ينسون همهم )





الموقف الاخير

رحنا الكنيسه ... يالله اشكالهم غريبه .. اول شي ممنوع الكلام نهائي

هدوء وناس واقفين يدعون ويسون حركات تعبديه .. ملابس غريبه واشكال اغرب ؟؟

تضرع ودعاء وبكاء .. اصنام ،، انوار خافته .... ضايعين داجين بالشرك الله يثبتنا ..

شعور لن انساه حسيت بخوف شديد ماادري ليش ؟؟

يمكن اللي زودني تنبيه السواق بعدم الكلام وانه شي يغضبهم ؟؟

( لك الحمد يارب على نعمك التي لا تحصى ولا تُعد )







من كثر سلبياتهم ...

كرهة ايجابياتهم الموجوده ؛؛؛ كرهة مناظرهم الخلابه وخضارهم وجنتهم ؛؛

والله اني احسب متى ارجع السعوديه .. رغم ان برنامجنا كان مليان ..

والسواق ماخلى مكان الا ودآنا له .. و ماجلسنا يوم بالفندق كلها روحات وطلعات ..

حتى باقي اهلي نفس شعوري ،،، وقبل نسافر كنا نتوقع شهر قليل مايمدينا نمبسط ...

( بس مافي راحه نفسيه مع كثرة مانشوف من المعاصي

ومع البعد عن الله )




وسبحان الله الواحد بالبدايه يستنكر ولا يقبل اللي يشوفه من معاصي ،، بس لو استمر بالسفر ومع الاحتكاك بالحرام وشوفته ،،

يبدأ القلب يتعود ولا عاد يستنكر ،، لين يتبلد الشعور وتصير الكبائر عاديه ولاعاد يستغرب شي ..






اكيد بتقولون كان جلستي ابرك ..

لا تلوموني بعد كل اللي شفته كيف ارتاح وانبسط ..





الان بقول لكم موقفين تضحك ،، عشان ماتزعلون مني ،،

وتقولون اكتئبنا من موضوعك ههههههه



الاول

في لعبه تشبه لعبة الاخطبوط اللي بملاهينا ... وكان اللي يشغلها يقدر يتحكم بكل مجموعه ..

وانا وخواتي نجلس بمجموعه مع بعض ..

وكان يقول بالمكرفون ( مزمزير سعوديه عربيه انكو ) يقصد نساء السعوديه ازيدكم ؟؟

وحنا ماحنا فاهمين قصده ونقول انكو انكو بصوت عالي ..

وصار يزيد علينا اللعبه ( بس مجموعتنا اما الباقين لا ) لين ارعبنا من سرعتها

والفرنسيين يضحكوووووووووووون ..

تاااالي ومع استمرار الموقف فهمنا وش يقصد وصرنا نقول نوووو نووووو .. خخخخخخ اخيرا فهمنا ..





والثاني

بقولكم على امي كانت تقوم بدري تحسبها بالسعوديه ...خخخخخخ

المهم كلنا نايمين ولا تعرف تتكلم اي لغه ... وتقوم اخوي عشان يطلب لها شاهي ..

تالي طفش اخوي كل صبح وهو صاحي ..

قال يمه وش اسم شغالتك ...

قالت توتي

قال خلاص كل صبح دقي على هذا الرقم واذا رد عليك قولي ( تو تي )

يعني ثنين شاهي ... بس فرقيها عن بعض ..

وصارت امي كل يوم تتصل وأول مايقول : هلوووووووو

تقول بحماس : (تو تي ) و بموسيقى بعد ههههه ،، وانشهرنا فيها ..




اتمنى موضوعي اعجبكم .. و أهم شي كرهكم بديار الكفر :)


باقي مشاركه وحده أقرئيها للفائده ..

هذا رابط من موقع الشيخ ابن باز ..بيفيدكم باذن الله

http://www.maktoobblog.com/redirectLink.php?link=http%3A%2F%2Fwww.binbaz.org.sa%2Fmat%2F58





بالنسبه للكلاب اقتناءها وتربيتها .. تفضلوا الاحاديث ..




عن أبي هُرَيْرَةَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ :

( لا يَحِلُّ ثَمَنُ الْكَلْبِ ، وَلا حُلْوَانُ الْكَاهِنِ ، وَلا مَهْرُ الْبَغِيِّ )

صححه الألباني في صحيح أبي داود .




عَنْ عَلِيِّ بْنِ أَبِي طَالِبٍ عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ :( إِنَّ الْمَلائِكَةَ لا تَدْخُلُ بَيْتًا فِيهِ كَلْبٌ وَلا صُورَةٌ )
صححه الالباني في صحيح ابن ماجه



عَنْ أَبِي هُرَيْرَةَ عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ :

( مَنْ اقْتَنَى كَلْبًا لَيْسَ بِكَلْبِ صَيْدٍ وَلا مَاشِيَةٍ وَلا أَرْضٍ فَإِنَّهُ يَنْقُصُ مِنْ

أَجْرِهِ قِيرَاطَانِ كُلَّ يَوْمٍ)

رواه مسلم





وقال الشيخ ابن عثيمين في "شرح رياض الصالحين" (4/241) :


" وأما اتخاذ الكلب وكون الإنسان يقتنيه فإن هذا حرام ,

بل هو من كبائر الذنوب ,

لأن الذي يقتني الكلب إلا ما استثنى ينقص كل يوم

من أجره قيراطان "

موضوعك رووووووووعة ويجنن يالغالية..

بس طول ماانا أقرا وانا مستغربة وأقول ليش اهلك مااختاروا دولة عربية أو اقل سي اسلامية!!

بعدين شفت تعليقك بالأخير!!

يالله اكيد انت صغيرة ومافي يدك حيلة..

تقبلي مروري ونقدي يالغلا

بارك الله فيك

ياااي موظووعك وكلااام يجنن سبحاان الله ذكرتنيني بنعم كنت نسيتهن