جزاكم الله كل خير حبيباتى وبدون عدد والله انى فرحت بردودكم
انا كلمته يقول انه بيشوف بعد الخمس سنين شيصير وبينى وبينكم الواحد مو ضامن عمره قلت خلى الامور تمسى حسب مشيئة الرحمن هو يتكفل بها
وبالنسبه للبيت هو يبى يبيعه ويشترى بيت على قولته احسن منه لان بيتنا من المساكن الحكوميه وهو يبى فيلا ويقول يبيله وقت على مايجيب فلوس الاثاث وغيره
انا احاول مااناشبه بالموضوع لين يصرف نظر ومايحطه براسه والله كريم
واكرر شكرى لكل خواتى اللى شاركو ومشكوره على دعواتكم يارب
والله يوفقكم فى اموركم كلها

السلام عليكم،
انا اسفة بس شنو عشر سنين؟؟؟؟
متى بتعيشون
والقهر عندكم بيت ومأجرينه
والله انه اغلب رفيجات امي قعدو في بيوتهم على الكاشي وشوي شوي أثثوها

وانتي شنو مالج راي؟؟؟؟؟؟؟؟؟؟؟؟؟؟؟؟؟؟؟هذي حياتج بعد لازم يآخذ رايج في كل شي

انا اقول قعدي معاه على رواق واتفقوا مع بعض وقررو مع بعض
بيتكم مأجرينه والفلوس ماتدرين وين تروح؟؟؟؟؟؟؟؟؟امممممممممممممممم
لازم تقتصدون شوي والي يقنع الله يرزقه


أنا اسفة اذا كان ردي جارح بس انقهرت عليج والله
لا تنسين الاستغفار والصدقة عشان الله يزيد رزقكم

الله يكون بعونك اختي بس تحملي عشان زوجك ومثل ماقالت اختي جنونه

مشكورات ياقلبى على التعاطف
والله شسوى اكيد راح اقول كل اللى قلتوه بس بالنهايه قول الله هو اللى بيصير
واشكركم من قلبى

ابى اقول لكم يابنات على اللى صار لما كلمت زوجى وقلت له انى رافضه اقعد عشر سنين عند اخوه وانى ماعندى مانع اقعد سنتين لين الله يفرجها
طبعا بعد معركه كلاميه ونبش الماضى وكل اللى تحملته عشانه وبينى وبينكم حسسته بانه ماقدر يوفر لى البيت اللى ارتاح فيه انا وعيالى وانه مو قد المسؤوليه
طبعا بعد مارفع ضغطى تتوقعون شقال؟
قال ماشى يافلانه والله لخليج تتمنين هذيج الشقه ومابى اسمع اى صوت
يعنى الاخ يهدد قلت له شنو بتسوى يعنى وشنو الضريبه اللى ادفعها
تتزوج او تحرمنى من المصروف والطلبات والخ
قال لا بس انتى راح تشوفين
واليوم قعد مع امه وقال لها انه يبى يذلنى ويخلينى انذل علشا ن انى رفضت العرض ابو عشر سنين
بينى وبينكم انا ارتحت بس بنفس الوقت خايفه من كلامه مدرى شيقصد
انا ماتركت الاستغفار من يوم قلتولى
والله كريم