متااااااااابعين

كملى ؟؟

انتى بالفعل شوقتينا باللى حصلك عسى تقر عينك بولد ياااااااااااارب

والله يرزقك بالحمل عااااجل غير اااجل

واللى صارلك يصير ليش لا ............انا مثلك اعانى اغلب الحريم تمر عليهم فترات تل خصوبتهم
وان شاء الله انه عرض مو مرض
يالله كملى يالغالية وحنا بانتظارك

الحمد الله علي كل شي والله يرزقك ويرزقنا وكل محرومه يارب الدريه الصالحه ولايحرمنا من رحمته ارحم الراحمين

الحمد الله علي كل شي والله يرزقك ويرزقنا وكل محرومه يارب الدريه الصالحه ولايحرمنا من رحمته ارحم الراحمين

سويداء وجوانا وسحاب 737 و اخت الفهد اشكر لكم مروركم ودعواتكم

بعد فتره بديت احس اني ما عاد راح اخلف مره ثانيه و صرت اخاف على بناتي بشكل رهيب وحتى المدارس ما عاد ابغى اوديهم اخاف عليهم من السيارات وانهم يضيعون واذا راحوا مدارسهم اقعد انتظرهم ما يجيني نوم لحد ما يجون احس اني ارتاح طبعا بسبب ذلك بناتي الحين يخافون من كل شي وفيهم تردد زايد ولاصقات في عكس البنات اللي في سنهم يلعبون وما يقعدون عند امهاتهم اما زوجي كان اذا دخل البيت ما عندي سوالف الا البويضه والتبويض والحمل والدوره فكان يتضايق وعلى طول خارج البيت :( بعد سنه علمت اهلي واهل زوجي وبعض اللي اثق فيهم او عندهم مشاكل زي ونعلم بعض بتجاربنا ولما علمتهم راح نص الهم وسنه ورى سنه لحد خمسه سنين وجات الاجازه ورحت عند اهلي طبعا ذاك الشهر ما افكر بالحمل عشان زوجي مو عندي وابغى ارتاح ما افكر في شي الا اهلي ما تعودت اقعد اي شهر بدون ما اجرب شي وجتني الدوره اول ماوصلت وتصلت على مراخه ورحت لها ومرختني واول مره امرخ حسيت بالم شديد لان عندي ميلان وخلصت قلت لها مرخي مبايضي قالت طيب وصارت تضحك وعلمت بنات عمتي وقالوا اول مره نشوف وحده تمرخ مبايضها هذا انتي اخترعتيه واخذت حلبه مع ماء حار على الريق بس الايام الاولى واخذت عسل مع حبوب لقاح وبار نخل < وتحلمت اختي اني اجيب بنت حلوه واقول لها هذي احلى من بناتي واخوي شاف حلم اني جبت ولد وسميته عبدالله> ضحكت قلت له اول احمل بعدين يكون خير بعده باسبوع ونص اتصل زوجي وقال نتمشى في جدة اسبوع قلت خلاص وبعد الاسبوع سافر زوجي خارج المملكه وقعدت عند امي اتصلت اخته وقالت بتصل على وحده تحجم تجين معي قلت طيب جات الحجامه وبدت بي سالت جاتك الدوره قلت متاخره يومين ورفضت تحجمني قلت لها دورتي تتاخر دائما اسبوع واسبوعين وعيت وقالت سوي تحليل وتعالي احجمك انا مستخيره في الحجامه وبدا الامل اني حامل وما حاولت اتعشم كثير عشان ما انصدم لما وصلت المستوصف قال المختبر يقفل الساعه 10 تعالي بكره ورجع لقيتها حجمتهم وراحت بعد يومين جاء زوجي وكان تعبان قال بكره اوديك ما نمت وصلى الفجر ورحنا ما يفتح المختبر الا الساعه 8 قال بعد العصر واصريت الظهر نروح حللت و بعد نصف ساعه النتيجه طبعا زوجي يحطم ويقول انتي كل شهر تحللين وما يطلع حمل مر الوقت ببطء شديد واتصل عليه وساله واسمع زوجي يقول ما في حمل مرتين قلت خير قفل الخط وقال مبروك حامل :icon28: صرت ابكي وسجدنا لله شكر ونحن في السياره ورحت بيت عمي وصرت اسلم عليهم ماني بوعي من الفرحه طبعا كنت قبلها بفتره طويله مداومه على الاستغفار والصدقه والدعاء ومسويه رجيم وصرت امشي وانصح الناس بالمراخه وخلطة العسل واقول حملت بسببها طبعا فيه درس لسه ما تعلمته وكان ثمن تعلمه غاااااااااااالي كنت اصوم النهار واقوم الليل بس مو دايما بعض الاحيان وانا من يومي وانا في تحفيظ للقران بعدها داومت على الصيام والقيام شكرا لله واخر الشهور كنت اصلي على كرسي من الثقل والتعب واشتريت اقمصه للحمل من اول شهر وصرت اطالع بطني كبر اولا بس كان شي واحد ينغص فرحتي كنت على طول اتحلم اني اسقط في الشهر الخامس ويكون حي واحاول ارجعه بيدي او احد يضربني على بطني ويطلع الجنين وكل احلامي ان الحمل لا يكتمل وكلها ان الحمل بولد واحاول اني ما التفت لهذي الاحلام بس كانت تاثر علي فكنت احيانا ابكي واذا راجعت الدكتوره يكون كل شي طبيعي وانا احس ان حملي ما راح يكمل سوف اكمل غدا ان شاء الله