ابقولكم كلام يوسع اصدوركم شوي

قابلت قبل يومين الرجال صاحب المشكله هذي

وقلت له : هاه وش اخبار الزواج ؟

قال : ايييه الحمد لله

قلت : الحمد لله معروفه ولكن وش معنى اييييه ؟

قال : خله على الله بس

طبعا انا فرحت وقلت في نفسي : تمام لقيت موضوع اكتبه في منتديات عالم حواء ويشوفنه الاخوات

قلت له : وش السالفه تنصحني اتزوج زوجتين مباشرة ؟

قال بكل صراحه : اذا ودك تصير ( حمار ) تزوج ثانيه

طبعا انا فطست من الضحك

قلت : هاه وش السالفه .. مو سعه صدر و وناسه ؟

قال : وناسه فقط اذا كنت نائم واذا صحيت صارت نكد وهم وغم ..

قلت : الله يستر .. المشاكل كثيره عن اغلب الناس واللي لهم زوجه وحده فمابالك باللي اخذ ثنتين مثلك ..

قال : ايه الله يوفقه بس

قلت : هاه لا يصير عندك نية كلام شين بس .. اقصد ( طلاق ) ؟

قال : لا .. ابخربها اباخذ الثالثه بعد

قلت : تعوذ من الشيطان وادع الله ان يوفقك بس واعقل وكافي غثاء وهموم

وجاء شخص اخر وقطع علينا اللقاء ..

----------------------

طبعا كلكم انبسطتوا من كلام الرجال ومتوقعات ذلك ؟؟

صــــح ؟

مرحباااا

باعتقادي و برايي
الشرع حلل اربع لكن هذا ما يعني ان الريال على كيف كيفه يروح و يتزوج جنه الحريم لعبة بايده
لازم يكون عنده سبب مقنع ووجبه يخليه يتزوج على مرته
مثلا اذا كانت المراة عاقر لا تنجب او عندها امراض

اما يرووح يتزوج على مرته بحجة ان الشرع حلل اربع

اسممحولي هذا تخلف بالعقل و الرجل ناقص قلب و مشااعر:)

و انا بطبعي متشددة و ان قالي ريلي هالحجي شكلي بحوكة بوكس محترم على بطنه :30:

يحق للرجل بالزواج من ثانيه وثالثه ورابعه حتى بعدم وجود سبب مقنع ..

ولكن اذا وجد السبب المقنع يكون قد خفف من مشاعر الزوجة الاولى ويجعلها تستسلم بالامر الواقع ! ! !

ولكن شخصيا اؤيد الزوجة الواحده بشرط يكون قد استكمل البحث عنها وفيها من كل النواحي .. واذا رضي بكل صفاتها عليه ان يبقي عليها والله يتمم عليهم ..

انا تقطع قلبي وانا اقرى القصه معقول فيه ناس كذا اش هاذا معقول عنده قلب واحاسيس ومشاعر المرأه عندها احاسيس ومشاعر مي جماد او ماتحس كيف بيكون شعورها تجاه خبر زي كذا عارفه انه معناه انتهى لها ولااطفالها زوجها بعد ماكان له ملكها لوحدها ولااطفالها اتت من تسلبه منها يالللللللللللللللللللللللللللللللللللللللللللللللللللللللله تهون عنها مصابها وتبرد قلبها انا دائم ادعي دعوه يارب اذا تزوج زوجي علي تجعل زواجه برد وسلاما على قلبي ان الزوج يتزوج على زوجته شي صعب ويقهر انا لي قريبه جدا يوم زواج زوجها ماتت من القهر والله العظيم لما دخلو غرفتها حصلوها متمدده على سريرها ودموعها منسابه وهي منتقله الى رحمة الله الله يرحمها ويغفر لها

معقوووول ! !

لا حول ولا قوة الا بالله

وانا الله وانا اليه راجعون