فجيعتي في زوجي........... يبغى يتزوج الثانية << معدل

متزوجة من زوج يحبني ويعشقني ولدي بنتين وولدين مشبعته جنسيا وعاطفيا وصحيا وجسميا وماديا لا ارهقه اخذته وجهه اسود يوم ذاق

النعمة من تحت ايدنيي وارتاح وشبع وفتح وجهه أصبح الناس يتحدثون عنه واني مسعدته يدخل بيته يلقى جنة قدامه أكل وشرب وراحةو هدوء بدون رجة أطفال

ضيوفه يتكلمون عن سفرتي وصل صيتي وسمعتي الرياض أي منطقة لنا فيها قرايب عرفوعني وعن سفرتي وجنسيا شبعان وبعدين

جاني في يوم وقالي أم وليد أن خطبت وحدة كنت أبيها من زمان وانصدمت واكتشفت انه تورط فيها في مجلس قال اخوها تاخذ اختي بالمزح قال طيب وجلسوا يلحقوونه

الى ان ملك عليها ويقول ام وليد ارضي خلاص هاذي مكتوبة قضاء وقدر تخيلوا الصدمة علي كيف بعد الحب التضحية اكتشفت قدري عنده باعني بمزحة بمجلس

بعدما ملك عليها صار واحد ثاني خبل غبي مراهق صار يسمع الأغاني يكذب علي يحاول مايخسرني لأنه شاريني وبنفس الوقت

يبغاني ارضى بالله كيف ارضى وبعدين

صارت تتصل عليه تقريبا 9اتصالات او اكثر تخيلو مالها معاه من ملك عليها مالها اسبوع معه تتصل قبل الفجر تصحيه للصلاة طيب انا نايمة جنبه يعني ماني ملية عينها جعلها الفقع

زعلت عليه وصار يحط الجوال على الصامت شكله خايف منها والله ماهوهذا زوجي اللي عرفته واحد ثاني واهله والناس استغربوا من التغير المفاجيء
ماهو قادر يقولها لاتتصلين

المهم صار يتردد علي يبغاني اكلمها يقول تراها تحبك كيف بالله وخل عيالك يقولون لي ماما

بعدين دخلت له الزوجة الثانية من مبدأ الدين وبنفس الوقت ماتغيرت عبادته بالعكس يسمع أغاني يقول لي هي تحبك وتدعي لك

وتوصيني عليكي وعلى العيال بالله اش محسبة نفسها تبغاني اكلمها تخيلوا تاخذه مني وتبغاني احبها واكلمها

انا ابيض منها واحلى هي اطول منه وسمرا وماهي حلوة

السؤال ماذا تفسرون كلامها لزوجي يوم توصيه علي وعلى العيال ثاني شي هل ممكن تكون صادقة بكلامها وبعدين انا مستغربة من جراتها من كثر اتصالاتها

أنا استخرت اكلمها وماارتحت ويقولي هذي الزوجة الثانية مكتوبة مكتوبة ان دعيتي وان مادعيتي وانا مؤمنة بان الدعاء يرد القدر وجالسة ادعي ان الله يفكنا منها ويعود لي زوجي واثقة من فرج الله