فحص التبويض

عندي استفسارعن التبويض
انا راح يصيرلي سنه متزوجه و ردت يصير عندي حمل و ما صار و قبل شهور رحت للدكتوره و قالت لي انه عندي كيس صغير و عالجته و ما صار حمل و اعطتني فوليك اسيد و بقيت مستمره عليه

لكن ما عجبتني الدكتوره..رحت غيرتها..و ردت اسوي فحص هرمونات
و الدكتوره فحصتني و من اول الفحص قالت انه اكو بويضه راح تنزل اليوم او باجر..و قالت انه الكيس موجود لكن هو صغير و مراح يأثر على البويضه..و فحصت الالتهابات..كان اكو التهاب بسيط
و قالت اني ما اريد اسوي اي فحص ثاني ..لان رادت تبدي معي كورس علاج خاص فيها

و فعلا باليوم الي هي قالت انه البويضه راح تنزل صار عندي الم بجهة المبيض الي طالعه منه البويضه
و اعطتني فيتامينات كثيره

و للاسف ما صار الحمل

سؤالي..هل اني هرموناتي طبيعيه اذا كانت الدوره طبيعيه..و التبويض موجود؟؟

لان حقيقه ما عندي صبر انتظر كورس العلاج..و لا فحص الهرمونات

افيدوني