فحوصات تاخر الحمل

الله يرزقك حبيبتي بالذرية الصالحة...انا جربتها عبارة عن ابرة بها سائل تدخله من فتحة المهبل ويمرعبرالانابيب امامك على الشاشة هي مؤلمة ألم بسيط يعني اذاجلستي تقولي الاذكار ماراح تحسي بشيء لمدة ثواني بس ويختفي والحمدلله كانت انابيبي سليمه بس ربي لسه ماأراد لي الحمل...وطبعا بعدالدورة على طول تنعمل علشان يكون الرحم لسه مفتوح..وبتعطيك مضاد علشان لايصيرالتهابات وشرط مابيحصل جماع الا بعد الصبغة وكذا...الله يسهلها لك ويكتبلك الخيرررررر

وعليكم السلام ورحمة الله وبركاته
انا عملتها في مركز ذرية وطلبتها مع مخدر بعضهم يسوونها بدون مخدر بس انا طلبتها لاني اتوتر ،
طريقتها : تكونين صايمه من تقريبا الساعه ١٢ بالليل لوقت الصبغه عشان يعطونك المخدر وبعدها صحيت وانا في غرفة الافاقه طبعا ينزل منك افرازات لونها بني من الصبغه و ممكن دم مع الم زي الم الدورة ويعطونك مضاد عشان الالتهابات ،
في بعضهم ماشاء الله تحمل بعد الصبغه انا طلع عندي مشكله في احد الانابيب و ربي ماكتب لي الحمل لكن استخيري وسويها عشان تعرفين ايش وضعك و الله يرزقك ويقر عينك بما تتمنين ..

انا سويتها بعد وما كانت مثل ما بعض البنات الله يهديهم يقولون ويبالغون.. توكلي على الله وسويها ما تخوف ابدد

لاتتخوفين ولا شيء وهي من الاجراءات المهمة في بدايات علاج الحمل
ماتاخذ حتى ثلاث دقائق وألمها بسيط

انا سويتها حبيبتي بسيطه الألم بس بالبدايه بسيط لان اصلا عندي عنق الرحم مره ضيق ولم يسبق لي الحمل او الولاده المهم قولي اذكارك واذكري الله وقتها سبحان الله يختفي الالم او يهدى مره بمعنى اصح بعدين تقومين عادي بوقتها والله يسهل امورنا جميعاً