كيف الحال و الأحوال ؟؟؟ إن شاء الله مرتاحين ؟؟؟
عزيزاتي جايبتلكم اليوم وجبة غدا لذيذة و شهية و فخمة ^_^ حلوة ها ؟؟ و الأهم سريعة يعني حطيها فالفرن و كملي شغلج ...
عاد نشيت اليوم و أنا في بالي أشوي عشان أهب في عمل كيكة لمناسبة خاصة و أتفرغ لباقي شغل البيت ، و بنزل الكيكة بعد لأنها كانت وااااو كيكة برتقال بكريمة الليمون ....
المهم طلعت الفخذ من الفجر و كان ما شاء الله كبير عادة أبو الشباب يقطعلي الذبيحة صغار لكن هاي المرة كل القطع كبار :42:فقلت اللي أقدر أسويه صالونة أمشيه و إلي كبير وايد أخليه للشوي ... و الفخذ هذا كان من نصيبكم ....
يلا نشوف المزيون ألحين بعد ما ذاب الثلج و غسلته بالماي زين ما زين و حطيته في صينية الفرن بعد ما غلفتها بالقصدير استعدادا للشوي
طبعا ما شلت كل الشحم عشان يطلع زيت يساعد فالنضج ...
و مقادير الحشو او التلبيسة هي
و هي عبارة عن : بصل أحمر .. ليمون أصفر .. زنجبيل .. بقدونس .. نعناع .. ملح .. فلفل أسود .. زنجبيل مطحون شوي .. حلبة مطحونة .. و مثيبة كبار .. و شوية من بهارات البرياني الهندي ..
و هاي صورة المقادير بعد ما فرمت البقدونس و النعناع و قطعت البصل صغار و بشرت الزنجبيل .... و فالصورة كرتونة بهارات البرياني و مكتوب عليها بالانجليزي بومباي برياني ... روووعة و طعمه عن جد خطيير و في الشوي أحلى و أحلى
و هاي صورة ثانية للتوضيح
و صح للي ما يعرف المثيبة هاي صورتها صراحة ما أعرف شو تسمونها يمكن الينسون .. فالأغلب نستخدمها لغازات البيبي عاد هي الينسون و إلا ما أدري .. بس طعمها فحمسة البصل لذيذ شو ما كانت الأكلة ...
ألحين هاي كل المقادير حطيتها في ملة كبيرة و خلطتها و الريحة خبااااااال
لا حد يرد بلييييييييييز
ثواني بس
و في هاي الشقوق أدخل الحشوة بإيدي و أحاول أعمقها و طبعا على الوجهين و الباقي من الحشوة أصفه على الوجه و بيطلع جذيه
بعد ما نحشي صح نسيت أقولكم إني مسخنة الفرن من قبل لووول ... المهم بعد الحشو أغطي الفخذ بقطعة قصدير عشان يستوي على راحته ... و أكون مشغلة الفرن من فوق و تحت
و أتركه خواتي نصف ساعة ... و بعدين أشل القصدير و بيكون هذا شكله يم يم
و بتحتاجين تقلبينه مرتين عشان ما يحترق من فوق و اتضمنين استوائه و كنت بين التقليب أعمل شقوق زيادة عشان ينضج ... و هاي الشقوق تسويله شكل حلو وقت التقديم ...
و لا تنسين أخيتي تشغلين الشفاطة و مروحة المطبخ عشان الريحة ....
و في هذه الأثناء جهزت الدخون و المدخن و معطر البيت .... شعلت الفحم و حطيت فيه عود معطر .. و دخون غناتي و حطت به في البيت كله و رشيت من معطر الجو من حامل المسك اسمه شيخة في كل البيت و على كل قطعة أثاث حتى تثبت الريحة ...
و إلكم هاي الصورة إهداء (( تصبيرة يعني )))) ههههه
ألحين بعد مرور ساعة و نص جهز الفخذ و الريحة روعة ما صبرت قطعة منه و ذقته رووووووووعة .......
و هذا تزييني له عالسريع لأنه ما شي وقت و ورايه شغل وااايد ... عاد لكم عليه يمشي الحال ....
و قدمته ويا عيش أبيض و روب بالخيار و الثوم المطحون .......
و بالهنا و العافية على قلوبكم ...
تحياتي إختكم ..
فوحة المسك