هبهوبة :

السلام عليكم نسيت أخبرك أختى أن أطفالك لما تعوديهم يساعدوكى من صغرهم حترتاحى كتير ماما الله يرحمها سافرت وتركت أختى الكبرى مع أخوتى وكانت عندهاحوالى 12 سنة وأخى 11سنة وأختى الثانية4 سنوات وأنا كنت لسه مش فى الدنيا وأختى الكبرى كانت تروح المدرسة وترجع تسخن الأكل وتغسل المواعين وتأكل أخواتى وتشوف أمورهم حتى خالتى فى نفس العمارة نزلت تشوفها عايزة حاجة لقيت كل شىء تمام كأن ماما موجودة وماما رجعت فجأة ولقيت كل شىء مرتب وعودتنا لا تعدى على حاجة مكركبة وتمشى وتتجاهليها وتسألنا أنتى مشفتيهاش؟ طالما شوفتيها خلاص شليها!! وكمان تخصيص مكان للأكل لا يتغير ويا حبذا المطبخ أخوتى لا تسمح لأولادها وهم كبار 14 و12 سنة يأكلوا غير ف المطبخ بس ساعة الغذاء يتجمعوا على السفرة بس مفيش حاجة أسمها أكل فى حجرة النوم وحتى المعيشة يعنى النظام فى كل حاجة حلو وطبعا مفيش لعب فى حجرة الضيوف أو غير الحجرة المخصصة لذلك فلما الأكل فى المكان المخصص واللعب كذلك حتكون الكركبة محدودة وغير مرهقة أنا أبنى بحاول أعودة لما يعوز يأكل (المطبخ ضيق )فحجرة المعيشة هى حجرته وهى حجرة اللعب والأكل وممنوع اللعب أو الأكل خارجها وممنوع يجلس على سريره يأكل أفرش له ملاية قديمة على السجادة ثم ترابيزة بلاستيك كبيرة مربعة ثم يجلس على الكرسى يأكل عايز يقوم يسيب الأكل يا أمايلعب يا أمايأكل وهكذا يتعلم الترتيب لما يغيروا تعرفيهم اللى يتبقع فى المكان الفلانى تحطه المخصص لذلك اللعب الصراحة بسيبه يفركشها فى الحجرة هو بيحب كده وأنا شديدة معاه بزيادة ولكن قبل النوم يلمها فى سلة مخصصة لها ودائم عليكى بالتربو (ثلاث صناديق بلاستيك فوق بعض )وممكن تضعى فيهم ملابس زيادة لهم أو لعب أو لكى فى البلكونة تضعى فيها البطاطس وخلافة وممكن فى الصالة كجزامة وده يوفر لك أماكن ويريح عينك من الكراكيب .....أعتذر للأطالة . أختك هبهوبة

السلام عليكم نسيت أخبرك أختى أن أطفالك لما تعوديهم يساعدوكى من صغرهم حترتاحى كتير ماما الله...