فديتكم أدخلوا و شوروا علي شلون أعاقب ولدي

السلام عليكم
خواتي أمهات عالم حواء
بغيت أشاوركم كيف اعاقب ولدي الكبير علي
عمره 8 سنوات و نص اليوم الصبح أصحيه للمدرسة
مو راضي يقولي تعبان ابا أنام و أنا ما فيني اضرب و أهاوش من الصبح
قلت له اذا ما قمت لا انا امك و بزعل عليك مارضى يقوم
و قامت اخته الصغيره فديتها خليتها تفطر و لبستها
و هو يالس يطالعني من تحت لحافه و أنا أشوفه
و راحت اخته المدرسه و هو ولا سائل ولا قام من فراشه
عقب يوم شافني البس ورايحه الدوام نزل من سريره
و جلس عالكمبيوتر في حجرتهم وأنا ما كلمته و أنا طالعه يسلم
علي يقولي ماما مع السلامه و طنشته و أنا منقهره منه
الحين و انا راده من الدوام مريت يبت لاخوانه شيبس و حلويات
و عطيتهم و هو طبعا طاف ما عطيته قلت خليه يحس بغلطه
ودخلت حجرتي قفلت علي الغرفة و هو اسمع صوته واقف عند
باب الحجرة
شسوي معاه عشان ما يكررها و يحس انه غلط
شورو علي فديتكم .... وايد قهرتني هالحركة منه