فديتكم وش اسوي مع هالزوج حسبي الله ونعم الوكيل؟

السلام عليكم ورحمة الله وبركاته
وكل عام وانتم بخير ياااحبتي
اتمنى من الله تعالى ان اجد منكم المشوره فيما سااكتبه
ترددت كثيرا في الكتابه مع العلم انني لا احب ان اشكي همي لاحد
ومادفعني هو خوفي علا نفسي من الانفجار المفاجي واصابتي بامراض لاقدر الله بسبب صمتي المستمر
انا متزوجه من 13سنه ومعلمه في مدرسه خاصه بسيطه وجمالي بسيط خلوقه وحبوبه بشهاده الجميع يصفونني زميلاتي بالحكيمه ولدي 3 ابناء ولله الحمد ابتلاني الله عزوجل بطفوله ومراهقه صعبه جدا حدا عشت حياتي مند الصغر في الم وحزن والحمدلله علا كل حال ..تزوجت قبل سن 20 سنه مافرحت لا بيوم خطبه ولا ليلة زواج شعرت في عيون زوجي بانه ندمان من زواجه به ..انا دكيه ولله الحمد علمتني الدنيا اني اعرف من الصاحب ومين الكاذب المهم تحملت وصبرت حاولت اسلي نفسي اني اكون علاقات مع زميلات جدد لاكن اكتشفت موخرا ان علاقاتي مع زميلاتي في المدرسه وغيرها يزدني حسره لان كل وحده تتكلم عن يومياتها الحلوه مع زوجها وانا ماعندي مثل هالسوالف المهم اني صبرت وصبرت وصبرت حتى اكتشفت ان زوجي انسان مدمن ومريض بامراض الاكتئاب تعبت معاه خفت منه خفت علا اولادي من الحالات النفسيه ومن اللي يشوفونه فضحنا مع الناس مع الجيران مع الاقارب وانا دايما راسي منزلته في الارض راتبي مايغطي مصروفي ومصروف عيالي الان له 3 سنوات متعافي من الادمان ولله الحمد لاكن اللي مخليني اموت من القهر ان عمري في حياتي ماشفت انسان بخيل زيه يموت بس مايفكر يقدم لي حاجه من ظيب نفسه علما بانه يملك فلوس ودخله ماشاء الله زين بس انا عنده شي والفلوس شي ثان من شاف حالي قال الله المستعان المطبخ مايصرف عليه الا بعد شق الانفس المصروف اليومي حق اللبن والخبز يقول ماله داعي مصروف عياله بالحسره بالحسره يدعي الفقر والجوع علشان يقنعني انه فقران سيارته قيمتها 200 مائتين الف بس اطلبه خمسه ريال يقول لي وش تبغين فيها وقتها والله العظيم اني ابكي من القهر لاني اذل نفسي له ولا احصل ولاشي تكفووون يابنات وش الحل معاه قهررررني لحد الجنون البس له واترتب واقوم في خدمته واتعب معاه وعلشانه واكون له ستر ووغطاء وفي النهايه انا ولا شي ابيه يعبرني يسعدني يدلعني يقووول انا مااعرف هالخرابيط المشكله انه صغير موكبير بس وش اقول علا حسرتي
والله يابنات اني اللي لمااشوف اللي حولي من زميلات وااقارب بسعاده اني اتمنى اذوقها يوم واحد بس يوووم واحد مابي غيره وربي يشهد علي
ابي اضحك مع زوج من قلب ..ابي حنان الزوج ...ابي راحه الحياه الزوجيه ...
يالله تسخره لي
اللهم انه مايعجزك فارني في عجايب قدرتك واسخره لي وسخرني له ياكريم

تكفوون شورو علي وش الحل مع هالزوج