راية السنه :

فديتهم أنا ياازينهم ماشاء الله تبارك الرحمن عيال الزمن هذا عيااال دلع وسماجه ...فهودي ..عبودي .. سلومي ..دودي ..ياااي .. حنا نبي رجال في المستقبل ..مو رخووم ودلوعين وناعمين ...لاتدلعون عيالكم في أساميهم بالعكس نادوه بأبو فلان ..أبو سعود -- أبو عبدالله -- أبو شامان ...الخ ولا تخليه ينااديك ماما ... ماامي ... >> البنت عاادي تدلع من حقها هي الانوثه و الدلع كله ولبسوهم الثووب والطاقه والشماغ وخليه يمااشي الرجال والشيبان ويقلط الرجال ويروح المسجد مع أبوه وأخوانه لاتقولين تووه صعنون يااي ..أهم شئ الصلاااه مو يدخل الثانوي وهو ما يعرف يسجد ولايركع زين ..حنا من 3 سنوات وهو يقعد مع الرجال في المجلس والمسجد ..مانخشه عند الحريم .. وعوديه هو الي يودي القهوه للرجال ولايطيح شماغه من راسه ..وحتى في السووق خليه يدفع الفلوس لمن تشترين ..وأزرعي فيه حبه وخوفه على أخواته ويقدرهم ويحن عليهم لعشاان في الكبر يحترم أمه .. علميه الاصوول والواجبات .. وأزرعي فيه حب أقاربه وعزوته ..وصله الارحام من أهم الواجبات .. وحقوق الجار ..وغيرها خليه يعرف إنه رجل وله مسؤوليات وواجبات وحقوق ..مو بس ينام ويأكل ويلعب بلاستيشنات .. ..ولا يأكل الا لمن تجتمع العائله ..ويأكل بيده بدوون ملعقه >> لاتخافين إذا كبر بإكل بالملعقه لابد منها .. ويأخذ حقه بيده ...ويفتح عينه قد الريال .. حتى المشي عوديه يمشي مشيه رجال ورأسه مرفوع مو يسحب سيقانه كأنه رخمه ومايلبس الا جنز وشورت .. ولا تشجعينه على الاغااني ..أشتري له دووم أشرطه الشعر وسواليف الباديه ..وحطيها في السيااره ..وفي البيت .. البيت والتربيه لهااا دوور كبيرر ..في تنشئه الطفل .. أما يطلع يااي ماما .. أو رجل تعتمدين عليه في الأخير ..الدعاء لهم بالهدايه والصلاح والتوفيق في الدارين الله يهدي عيااال وعيالكم ويصلحهم ويرزقنا برهم ..ويجعلهم من حمله القران والسنه ...ويرزق الجميع حسن الختام البنات ذكرووني...وعلى طاري الاكل >> له دوور في بنيه وشخصيه الطفل ... عوديه يأكل أكل مفييد تمر ولبن ولحم وخبز البر .. لاتعودينه على نمط معين بسكويتات والحلويات والهمبرجر تراه لحم بقر ومدري أيش الله يعز النعمه ..أكل مامنه الا المرض والسمنه على الفااضي .. للاسف عيال اليوم يااي مايحبون التمر :( عذرا على كلامي >>غير منسق ..مستعجله وقت الغداء قد حاان .. في حفظ الرحمن

فديتهم أنا ياازينهم ماشاء الله تبارك الرحمن عيال الزمن هذا عيااال دلع وسماجه ...فهودي...