السلام عليكم
كيفكم يا سنعااات يا ستات بيوت ربي يبارك لكم باعماركم واعمالكم
صراحه انا من اشد المعجبين بهالقسم وبفضل الله ثم انتو غيرتو فيني اشياء كثير
ودايم تبثون فيني الحماااس ربي لا يحرمكم الاجر والف شكر لكم نفره نفره
ومن باب رد الجمايل قلت يلا يا دبا تلحلحي ونزلي لك لو نص موضوع بهالقسم اسمك تنحسبين سنعه خخخخخخخخ
فتذكرت حبيبه قلبي ( ام حياتي جوري ) وعدتها اني انزل لها ترتيبي لاغراض النونو حبيبي فديته
فقمت طاخ طيخ احمل بهالصور وعلى الله تضبط معايا
يالله بسم الله ماشاء الله تبارك الله
بما انه اول بيبي فلازم يزاحمني شوي ويكركب غرفتي باغراضه
وفعلا كنت حااايسه وانتظر متى اسافر جده عشان اروح ايكيا واشتري اغراض توفر لي مساحه اكبر
الا شفت الروحه مطوله قلت مابدهاااش
فضيت درفه من دولابي وكان عندي ادراج بلاستيك حاطه فيها اغراض زوجي
فضيتها ومسحتها وعطرتها ودخلتها الدولاب ورتبت فيها ملابس البيه الصغنن
وحطيت عطوراته ومناديله وخرابيطه بسله فوق الادراج
وعلقت ملابس الخرجات وافرولاته اللي مالبسها كثير للبيبي الجديد
وبكذا ارتحت الحمد لله واترككم مع الصور
...
هنا باب درفته من برا
...
هنا علقت ملابس الخرجات وملابسه وهو نونو وحطيت مقسم يساعدني بالترتيب من ابو ريالين
...
هنا المقسم من قريب حطيت فيه حفايضه وشراريبه بشنطه صغيره والايشاربات والايس كاب
...
هنا على الباب من الجهتين وزعت علاقات صغنونه حلوه اعلق فيها اي شي ممكن شنطه او افرول او روب الحمام
...
هنا حطيت سله فوق الادراج وحطيت فيها كل خرابيطه بحيث يسهل الوصول لها وحطيت فواحه
...
هنا العلاقه من قريب شايله الشنطه
وبسسس
طبعا كل فتره ليه ترتيب غير لاني ام الحوسه كلها ما اخلي شي بمكانه
...
دعواتكم ربي يسهل امري ويتمم لي على خير ويقومني بالسلامه
احببببكم
الله يعطيك الف الف الف عافيه
ترتيب يوحي لنا انك سنعه
والله يخليلك البيبي
ويبارك لك فيه ويجعله بار فيك وبوالده