بسم الله
والصلاه والسلام على رسول الله اللهم صل وسلم
عليه
السلام عليكم
لاحظت فالاونه الاخيره من تشكي بعض الاخوات
عن اهل الزوج وام الزوج وخوات الزوج والزوج
والاهل والام والاب والاخ
بالله عليك منشغله بخلق الله ونسيت الله الي خالقهم
وخالقك يااختي افرشي سجادتك ادعي وصلي واقري
قران واطلبي ربك العون والسداد وتيسير الامور
وصلي الوتر وصلاه الضحى وقيام الليل وصومي
الاثنين والخميس انشغلي بشي يفيدك باخرتك خلي
الناس عنك خليها بحالها لها حساب وجزاء ماراح
ترتاحين حطي كل انشغالك بصلاتك ودينك وذكرك
وقيامك بتشوفين العجب العجاب بحياتك بتشوفين
السعاده والراحه والطمانينه والسكينه والنجاه
والطريق إلى الجنه تراها دنيا فانيه محد باقي فيها و
عايش ليش تتعبين نفسك وتشغلينها وترهقينها وراء
ناس ماتدري عنك سوي لك خبيئه مع الله خلي
اتصالك مع الله خلي مناجاتك مع الله تكلمي معه
ادعيه اطلبيه ولا اوصيك بعد رضا والديك والبر فيهم
تراها طريق التوفيق والسعاده بدعوه منهم تغير
حياتك إلى الافضل الي قاطعه اهلها باسباب دنيا
ومشاكل ماتخلص لاتفرحين الشيطان وتكسبين ذنب
ادخلي على والديك معك هديه لهم و حبي يدينهم
وحبي روسهم قولي يبه يمه تامرون بشي سوي الي
يحبونه والي يطلبونه قومي اهتمي فيهم و ريحيهم
الله يريحك دنيا واخره بيريحونك اولادك لاكبرتي
بيبرون فيك بيدورون راحتك وسعادتك ورضاك
حبيت اذكركن فذكر فإن الذكرى تنفع المؤمنين
والمؤمنات والمسلمين والمسلمات اذكركن
واذكر نفسي معكن ولااوصيكن بعد
بالصدقه و الاستغفار والتسبيح والصلاه على خير
البشر والمرسلين عليه الصلاة والسلام والحوقله
واتركن عنكن الغيبه والحسد والنميمه والكذب
سوي الخير فالناس بتلقينه فدنياك واخرتك
ولسانك احفظيه عن اللعن والسب والشتم والالفاظ
البذيئه كا ياغبي يااهبل يااحم..ر يازف.. يالعن..
يابق...
على اولادك اذا عصبتي ادعي لهم
بالهدايه والصلاح واتركي عنك الصراخ
والعصبيه عليهم
بتشوفن كيف تتغير حياتكن للاحسن بتشوفين كيف
الناس تحبك وتقبل عليك وتدور رضاك وتزورك
بتشوفين ذكرك معهم بتشوفين توفيقك بتشوفين
شي عمرك ماحسيتيه وعشتيه راحه وطمأنينة
وسكينه ورضا وسعاده
