صباح / مساء الخير
انهاردة جايبلكم طريقة لذيذة لتتبيلة الفراخ المشوية ... تاكلو صوابعكو وراها ..
دي صورة لفتح النفس قبل البدء بالتفاصيل
المهم يلا نبدأ >>>> ايووووووووووووة خلينا في المهم ده
التتبيلة (كما في الصورة)
مقاديرها
علبة ذبادي
فصين ثوم
بصلة صغيرة
حبة طماطم صغيرة
معلقة كبيرة صالصة
ليمونة كبيرة
قرنين فلفل حار
ملح
توابل معلقة صغيرة من كل من
( زنجبيل مطحون + فلفل اسود)
نصف معلقة صغيرة (قرفة + كمون)
نخلط جميع المقادير في خلاط العصير لحد ما يمتزجو
ونتبل بيهم الفراخ ونشيلها في الثلاجة لتاني يوم طبعاً بتكون الفراخ اتشربت واوووووو
معليش نسيت اصور الفراخ وهي في التتبيلة
ملاحظة: التتبيلة لعدد 3 دجاجات (فراخ) حجم صغير (650 - 800 جرام)
وكمان نشق الفراخ من الظهر ونغرز فيها السكين عشان تتشرب كويس قبل ما نتبلها
نطلعها تاني يوم ونحطها في الفرن بدون الشواية تقريبا بتاخد ساعة كاملة ومش هتحتاجي تفتحي الشواية .. اذا كنتي عايزه لونها اغمق من كدة ممكن تفتحيلها الشواية وتحمريها ..
ملاحظة (يا كتر ملاحظاتك مش حنخلص
) الفرخة دي شقيتها ممن الصدر على طريقة (فروج) عـكـس بنت الديك في الصورة اللي جاية
صورة الرز بالخضار
المقادير
2 كوب رز بسمتي
كوب بسلة مجمدة مغسولة
نصف كوب جزر مقطع
بصلة متوسطة
معلقة كبيرة صالصة طماطم
بهارات (كركم + زنجبيل + فلفل اسود + ملح)
زيت
ماء مغلي
نقلي البصلة في الزيت لغاية ما تصفر ونضيف عليها الخضار والبهارات ونتركهم 5 دقايق ع نار هادية وبعدها نحط معلقة الصالصة ونقلبهم وبعدها الرز المغسول ونقلبهم
ونضيف الماء المغلي لتغطية الرز ويترك ع نار هادية جدا لحين ما تستوي
الفراخ مع الرز بالخضار
صورة عن قرب
سلاطة خضراء او بنفسجي اللي يريحكم ههههههههههههه
مقاديرها (بعرف انكم تحبو التفاصيل )
طماطم + ملفوف بنفسجي + خيار + شبت وبقدونس + ليمون
بطاطس مقلية ومتبلة
وادي الاتنين سوا
والف هنا وشفا