فراخ كولبستى من ايد نانوسة

ازيكم يااحلى بنات اخباركم اية معلش انا بتاخر عليكم من موضوع للتانى بس غصب عنى

وانتم طبعا هتعزرونى وتقدروا ظروفى

جيبالكم النهاردة وصفة فراخ جديدة خالص وبجد روعة بمعنى الكلمة اللى هيجربها هتعجبة جدا

بس ياريت تجربوها ومش هتندموااا خالص

وانا بانتظار تطبيقاتكم الحلوووووووووووووة

نبدا بالمقاديرررررررررررررررر















فراخ على حسب الافراد اللى بالمنزل

وبطاطس طرنشات

وخل

بصل مبشووووور

ماجى

التوابل(فلفل اسود)(بهارات مشكلة )بس مش كتير















***نبشر البصل ونحط ماء البصل بس ونحتفط بالبصل نفسة على جنب

***نضع ماء البصل مع الفراخ والخل والتوابل على بعض وننقعهم يوم كامل

***نشوح الفراخ كويس فى السمن بحيث انها تتحمر كويس

***نشيلها على جنب















***ونرص بعد كدة البطاطس فى الصينية















***وبعدين نحط على البطاطس الفراخ

***وبعدين نحط التتبيلة اللى كنا ناقعين فيها الفراخ على باقى المكونات















***وبعدين نزود ماء ونحط البصل اللى حطناة على جنب على المكونات















***وعملت معاهم رز واحدة وواحدة

***ودة شكلة النهائى للطبق





























***ملحوظة***

بتتسوى على النار من فوق مش فى الفرن وبيستنى فيها صوص بيتاكل معاها يعنى متخليش

المياة بتاعتها تنشف

والف هنا وشفا على قلبكم

***ادعولى بالذرية الصالحة والتوفيق انا وزوجى

***لوالدى بالرحمة

***لوالدتى وجدتى بالصحة الجيدة وطول العمررررررررر


nanosa31