كيفكم يا بنات حواء ان شاء الله انكم بخير وعافيه يااااااااااااارب ..... من جد اسعدتوني بتعليقاتكم أشكركم جميعا ياالله احس نفسي بطير من (الفرححححححححح) ههههههههههه :39:الله يسعدكم .
شكر موصول للأخت وصال الشمال التي ساعدتني في طريقة رفع الصور الله يعطيها العافيه و يجزاها خير الجزاء
أما بالنسبه للأخت غزلاااان شوفي يا محفوظة السلامه :
اللي اعرفه ان للجبس انواع في جبس اسمنت وفيه جبس سيراميك وفيه جبس معجون انا عن نفسي افضل المعجون لانه ما يتعب وقت الشغل وفي التنظيف سهل وتلاقيه في محلات الكهرباء و السباكه وبعض المحلات يبيعونه بالكيلو ...الكيلو اعتقد بـ 5 ريال. . دقيق مو جبس خخخخخخخخخخخ
الطريقه:
جيبي صينيه ما تستعمليها وحطي الجبس اللي راح تشتغلي عليه وضيفي المويه بالتدريييييج لا تخليه شديد بالمره لأنه مع مرور الوقت راح يبدأ يشتد و لا رخو حاولي يكون املس ومتماسك بحيث انك تقدري تتحكمي فيه وما يتعبك في الشغل واذا اشتد حاولي تضيفي شوية مويه وحركيه اتمنا اكون افدتك.
ما لكم بالطويل حبيت اني انزل موضوعي اليوم ويارب يعجبكم . . . للامانه من فتره شفت موضوع طرحته احد الاخوات الفاضلات الله يذكرها بالخير ويستر عليها والله ماني متذكره اسمها في هذا المنتدى الرااااااااائع وهو انها رسمت فراشات في جدار بيت خالتها على ما اعتقد اعجبتني الرسمه كثيييييييييييييير وعملتها ولكن بلمساتي طبعا انا ما اقلل من ابداع هذه الأخت (وروعة عملها )ولكن حبيت اني اغير الفكره بطريقتي
طبعا انا سويت هذا العمل من فتره وللاسف ما صورت الخطوات لكن راح احاول بقدر المصتطاع اني اشرح لكم الطريقه . .
طفشتكم خخخخخخخخخخخ
اترككم مع الصور و يارب تعجبكم أذكرو الله يذكركم ................
طبعا زي ما انتم شايفين اول شي رسمت بالقلم الرصاص علشان اذا صار في لخبطه يسهل عملية المسح وبعدين ليست الفراشه باللجبس وبعد ما بدأ يتماسك الجبس كبست عليها اخذت من اكسسواراتي حلق و غمستها في المويه و بدأت عملية الكبس
النقش الموجود على الجبس من الحلق طبعا لازم من وضع الحلق في المويه علشان تسهل عملية الكبس و بعد كذا نظفت الحلق بشوية مويه و سائل و فركتها بفرشاة اسنان قديمه و جففتها بالاشتشوار علشان ما يصدي
وهذي صورة الحلق اللي كبست فيه النقش
دققو راح تلاقو نفس نقشة الحلق موجوده على الفراشات
بعد ما نشف الجبس بدأت بعملية التلوين بخيتها درجات البني ووضعت ضربات بسيطه بالذهبي وبعد التلوين دهنتها بالورنيش علشان يعطيها لمعه و يحافظ عليها وبعد الورنيش رشيت بعض اللماع الاحمر لاني عاملتها في غرفة النوم و غرفة نومي لونها بني و فيها لمسات باللون الاحمر وزي ما انتم شايفين ركبت بعض الكرستالات عليها وبالنسبه لرذاذ البخاخ اللي خرج عن اطار الرسمه نظفته بوضع التنر على القطن و الفرك.
وسلامتكم...
تسلـــــــــــــــــــــم يدكـــ