1
السلام عليكم ورحمه الله وبركاته
لا اله الا الله وحده لاشريك له له الملك وله الحمد وهو على كل شي قدير
الحمد الله وسبحان الله والله اكبر ولاحول ولاقوة الا با الله
كيفكم حوائيات الحلوات
ان شاء الله بخير
اشتقت لكم مووووت
اليوم موضوعنا عن فراشي المكياج انواعها واستخداماتها الفراشي الاساسيه، الفراشي الاحترافيه، فراشي تغني عن فراشي ،طريقة تنظيفها
المووضوع هذا اهداء لكل الحوائيات وبا الاخص اختي محبة القران 5 الله يوفقها ويسعدها بزواجها ان شاء الله دعواتكم لها
معليش اعذروني على التظليل المرعب (لما اناظر الصور احسها فلم رعب ) بس عن الحلال والحرام ضللتها با الطريقه هذي
يلا بسم الله ماشاء الله تبارك الله ولاحول ولاقوه الا با الله
اول شي كثير سئلوني عن شنطه المكياج حقتي
هذي شنطه مكياجي من ماك عندي لها سنواااااات شريتها بحدود 1400 ريال اكثر او اقل ما ادري لانه من زمان
2
الشنطه الي احتفظ فيها با الفرش خصوصا وقت السفر
من ماك برضو شريتها من سنييين سعرها بحدود 400 اقل او اكثر بشوي ما ادري
بس حاليا ماتشيل كل الفراشي حقتي
3
وهذا شكلها من داخل
4
يتبع
الموضوع الغرض منه انك تعرفين فائده كل فرشه وتأثيرها
وكل الشركات الان نزلت مثل ها الفراشي وماعادت حصر على شركات معينه
فيه مكياجي وسيفورا ومواقع با النت كثير تبيعها وبأسعار خراافيه مثل كوستل سنتس وغيرها
فراشي الاساس
5_copy
1. mac 187 بـــ 200 وحاجه الفرشاه مررره خطيره للاساس والباودر المينيرال توزع الاساس بشكل مررره طبيعي انصح فيها بقوه اول ماتشرينها يطيح منها كم سعره بعدها لاء
2.نفس الاولى لكن جايه في كلولكشن (بنات الي تحب فراشي ماك بس تستغليهم تشتري الكولكشنات الس تنزل بين فتره وفتره 5 فراشي بسعر وحده صحيح حجمهم اصغر بس عمليه) هذي خليتها للشنطه للباودر او البلاشر
3. make up for ever 8n ما اذكر سعرها لكنها فوق ال100 وحاجه
4. mac 190
اخر ثنتين ما احبيتهم وندمت اني شريتهم استخدامهم مو عملي ابداااا وتوزيعها جدااا جدااا جداا كثيف ويبي له روااقه
وانا حيل مستعجله
واكثر شي افضل الاسفنجه المشطوفه ماصورتها لان ماعندي و حده نظيفه واستحيت اصور خخخخخخخخخخخخخخ
فراشي النحت او Contouring
6_copy
1، mac 168
2. make up for ever 25s سعرها فوق الــ100 وحاجه
الفراشي هذي تستخدم لنحت الوجه وتحديد الملامح تصغير الانف وابراز الخدود
شفت درس هنا في المنتدى يتكلم عنه
وهو بكل بساطه تستخدمين هذي بتحديد ملامح الوجه
من تحت الخدود (تفاحة الخد) ترسمين خط بلون غامق جداا (مقل اللوان البني والبرونز) الي الاذن
ويتموه هذا الخط با الفرشه وتحطين لون فاتح على الخد نفسه
وبنفس الطريقه ينمد خط على الفك وخد على جوانب الجبهه
هذي الطريقه تنحف الفك وتبرز الخدود بكل مو طبيعي بس يبي لها اتقان
معليش ما اعرف اشرح
لاتشترين الفرشاه الا لما تتطلعين على المواضيع الي تشرح ها الطريقه جربي بفرشاه بلاشر عاادي اذا حسيتي انك عرفتي لها وتحتاجين لها اشتريها
فراشي البلاشر
7_copy
1.mac150 سعرها فوق الــ200
2. make up for ever 30s امممممم ما اذكر بس اقل من 200
3. mac129
الكبوكي او فرشاة البوف
تجي با احجام ومن شركات كثيره انا اخذت البيبي كبوكي مع الهوليدي كولكشن اوفر واحلا
الكبوكي فنانه في توزيع البودره الحره والبوادر المينيرال
يمكن الاستغناء عنها ماهي ضروري ١٠٠٪
وهذي صورتها من النت وباالاحجام
فراشي متفرقه
8_copy
1. mac263 هي للرموش لكن استخدمها للحواجب تناسبني مرره سعرها با السبعين
2. mac 207 يسمونها فرشاه المروحه تشيل الباودر الزايد من الوحه وتحت العيون سعرها برضو فوق الــ100
3. mac259 انا استخدمها لتوزيع الاضائه تحت الحاجب ووتحت محجر العين طبعا في فراشي كثير افضل واكبر لتوزيع الاضائه لكن انا حبيت هذي
فرشاه توزيع الظل
9
mac 252
مش مررره
حسيتها تبهت الظل وتخفي اللمعه
ماناسبتني ونادرا استخدمها في افضل منها وما انصح احد يشتريها
mac227 فرشاه لتوزيع الظل والاضائه في المساحات الكبيره مررره حلوه وتستخدم للدمج بس للناس الي
مساحة الجفن عندهم وسيييعه
mac227