الله يفرجّ همّك...

طيب صارحيه باللي بخاطرك..

الكلام اللي قلتيه هذا قولي له بوجهه..

و حاولوا تلقون حلّ..

أحس الرجال ضايع ..

شكل فيه خير بس حايس مع هالمحاكم ،، و لا تنسين ان المشاكل و الضغوطات النفسيه تأثر على العلاقه الزوجيه العاطفيه..

يمكن فترة و تعدي..

أنتي أدررى بالرجال وش معدنه ..

أستشيري كبير بعايلتك و خليه يوجههك.. احتمال لهم نظره ثانيه ما أنتبهتي لها..

و الصلااااااه
كوني معه أول بأول
ساعديه على الخير
يمكن أنه بلحظة ضعف أستسلم للشيطان..
سوي أخر شئ تقدرين عليه..

و الله يفرج همكم و يكشف ضركم عاجلاً غير أجل..

طبيبك هو خالقك ارجعي له واشكي له همك هو القادر وحده انه يساعدك ويبدل حياتك.....
ليش الفراغ تخلينه يغزو حياتك ليش ماتخلين العبادات تشغل يومك كله لاتتعلمي خياطه ولا طبخ ولا شي انتي ماتحبينه اذا عندك هوايه تحبينها سويها ماعندك خلاص مو لازم تعلمي كيف تخشعين في صلاتك تعلمي كيف تقرأين القرآن كل يوم بتدبر تعلمي كيف ترفعين يدك في آخر الليل وتدعين الله بأحسن أسمائه تعلمي كيف تتقنين العبادات على أكمل وجه تعلمي كيف تملأي كتابك بالحسنات وتثقلي موازينك بالأعمال الصالحه إكفلي يتيم لترافقي حبيبنا صلى الله عليه وسلم في الجنه.....
تطوعي بالعمل في دار ايتام في او في دار للمسنين او بالعمل في الجمعيات الخيريه منها تشغلي نفسك ومنها أجر وثواب وأبواب الخير كثيره شوفي اللي يناسبك وأعملي فيه.......
سجلي في مدرسه او دار لتحفيظ القرآن واشغلي وقتك بحفظ القرآن الكريم فهذا أسمى هدف في الحياة هذا اللي بيكون لك نور في قبرك هذا اللي بيكون شفيع لك يوم القيامه.......
ولا أسمعك تقولين ماعندي هدف في الحياة انتي عندك هدف واحد فقط واللي الله خلقك علشانه وهو العباده في الدنيا والجنة في الآخره......
خلي جهدك كله في العبادات والله بيغير أحوالك في الدنيا ويعوضك بالجنة في الآخره هناك لاهم عليهم ولا هم يحزنون هناك راحة وسعاده وكل ماتتمنين الجنة ياحبيبتي غالية فابذلي كل ماتستطيعين علشان تحصلين عليها بإذن الله.....

اذا كان موجود عندي بالبيت اذكره بالصلاه واذا كان نايم اصحيه
بس اذا هو برى مالي حليه معه حتى لو اتصل اذكره ماادري عنه
الله يهدي الجميع ..





الله يعلم ياعسل القصيم انه مافيه شي معلقني فيه غير انه يقول انه يحبني
ومافيه تصرف او فعل يثبت هذا الشي غير انه احيانً يناديني حبيبتي واحيانً باسمي

سمعته عند مجتمعنا حييييل حلوه ومافيه احد الايذكره بالخير

اخاف من كلام الناس يحرج ابوي وامي هم راس مالي والا و الله الطلاق راحه




على قولتك عسى الله يرزقنا السعاده وراحة البال




تسلمين لجين الله يجزاك خير




الله يهدي الجميع يارب مشكوره شوبارد




اللهم امين كل شي خيره الحمدلله
كل شي الله كاتبه وانا راضيه باللي ربي كاتبه
الحمدلله




حتى انا خايفه يضيع العمر على انسان ماهمه الا نفسه

متعلق فيني لاني انا حاجته بهذا الوقت خوفي يخلص مني ويطلقني ويكون راحت علي اتزوج واجيب عيال

موكله امري لله سبحانه و بستخير وبحاول بعد اذا ماصلح الحال بنهي الوضع وخلاص

السلام عليكم ...
أتمنى أن تكوٌني بخيرَ
قرأت موضوعكَ .. و نزلت دموٌعي والله !
شوٌفي حبيبتي !
كما ذكرو الاخوات ما في أحد مرتاح بِ هالدنيا
لكن !
علينا الصبر .. أصبري
وحاوٌلي تغيري من حياتكَ وصدقيني بِ يتغير
أمسكيها وٌحده .. وحده !
1- الصلاه .. حاوٌلي أنك تحثيه على الصلاه بطريقة محببه ل تدخل قلبه وأدعي ليل نهار أن الله يصلحه ويهديه على الطريق المستقيم
2- المعاشره الجنسيه .. حاولي حتى لو ما كانَ يحسسك ب رغبته لكِ قد تكوٌن أسباب صحيه .. ضعف جنسي أو أشياء أخرى ما يحب أنك تعرفين عنها عشان لا تقلل من رجولته أمامكَ ..
تقدرين لو مره في الاسبوع تشدين أنتباهكَ لكِ ب طرق كثيره لو تبحثين في النت عنها صدقيني رح تلقين الملايين من الطرق .. و رح يجي معكَ صدقيني مهما كان رفضه لكِ .. حاولي تختارين الطريقه اللي تشوفينها مناسبه ل جوكم / ل بيتكم ..
3- الحمل .. هذا شيء بأمر الله أفرشي سجادتك ب أخر الليل وأرفعي يدك لله سبحانه هو الوحيد القادر على كل شيء .. اطلبيه .. أرتجيه .. الحي في الدعاء ف الله يحب أن يلح العبد في دعائه فوضي أمرك لله وصدقيني أن الله قادر على كل شيء كما أخبرتك سلفاً وليس على الله ببعيد ..
4- الفراغ .. حاولي أن تعرفي ما هي الاشياء المحببه الى قلبك .. هوايتك !
قراءه
رسم
خياطه
طبخ
ومارسيها .. وان لم يكُن حاولي تتعلميِ مثال الطبخ
الان المنتديات ما خلت شيء .. طريقة الطبخ ب الصوٌر حتى وأن لم يكن موٌجود ل يتذوق طبخكِ تذوقيه أنتِ وأذا خايفه عشان الوٌزن أعملي كميات قليله أو أرسلي لِ جاراتكَ يتذوقونَ معك ..
5- حاوٌلي أن تجددي علاقاتك الاجتماعيهَ زوٌري جاراتكَ .. أهلكَ .. أهل زوجكَ وحتى لو كانت العلاقهَ بينكمَ سيئه حاوٌلي ان تكسبي قلوٌبهم وأن طالت المده صدقيني سَ تكسبين قلوٌبهم اضحكي دائماً في وٌجههم .. زوٌيهم دائماً .. أتصلي عليهم أسألي عن أحوٌالهم .. أعزيمهم ل بيتكَ وسوٌي لهم حلا من يدكَ .. أكسري الحواجز بينك وبينهم صدقيني قلب الرجل أمه !
أكسبي امه رح تكسبينه ..
لا تفكري ب الطلاق مو حل صدقينيِ ..!
حاوٌلي لا تيأسي وٌ أصبري أن الله مع الصابرين
صدقينيِ سَ تفرجَ بأذن الله
سَ تفرجَ بأذن الله

تذكريِ كلَ ما تضايقتيِ أنه مهمومَ ب المشاكل والضغوٌط النفسيه اللي عليهَ ..
حاولي تكوٌنين معه موٌ ضدهَ ..
ما دامه يقولكَ أحبكَ .. ويناديكَ حبيبتي صدقيني يحبكَ الرجال ما يقول ه الكلمه هباءَ !
صدقينيِ هوٌ الانَ كذاّ في حاله هروٌب مع نفسهَ
هوٌ حاسَ انه مقصر هوٌ حاسَ انه غلطان
بسَ الظروٌف ضدهَ مخليتهَ دائمَ متكدر
ما فكرتيِ ليه ما يجلس في البيتَ !
لانه لو جلسَ بيكوٌن متضايق ويمكن ضيقته تخليه يعصب ما يبي يعصب عليكَ لانه يحبك صدقيني لو ما يبيك كان خلاك من زمانَ !
لمن يمزح معك دبه أو من هالكلام .. أمزحي معه خذيها ب مززحه لا تعكرنين جو المزاح والضحكَ
حتى لو ضايقك كلامه على الوٌزن عديها وأخذيها ب روح المزاح والضحكَ ..
لا تدققين على كل شيء أنتِ ب تتعبين اولَ وثاني شيء رح تكثر المشاكل ب كثرة تفكيرك فيها وتدقيقك عليها ..
لمن يكوٌن رايق ويمزح أنتهزي الفرصه وكثري من السوالف واضحكي معه وتوددي له ..
خليه يحس أنك تحبينه ومستحيل تتخلين عنه بسبب مشاكله وظروفه اللي مخلي وضعكم كذا
حبيبتي , أعيد وأكرر لا تفكرين ب الطلاق غير من حياتك وحياته
أنا بفكر لك ب طرق وبرجع لك بأذن الله بس
أصبري عليهَ وبأذن الله ربي سَ يكوٌن معك

ونصيحهَ مني لا تشكَين همكَ مع زوٌجك لِ الاقاربَ
ترى فيه مثل يقول !

( انا حاسهَ فيكِ )
أنا معاكَ وتكفين سَ أكوٌن متوٌاجده دائماً ب موَضوعَكَ
طمنينيَ عليكَ

* أعتذر عن الاطاله

أختك :
لحن

عليك بالدعاء اطرقي باب الكريم