فراغ في صدري 💔

الله يجبر قلبك وتذكري ان الله جنبك وانه جالس يختبر صبرك وقوه ايامانك بقلك شي ورمزي عليه ((( وتضن أنك حرمت ولكنك رحمت )))
واعرفي من تقرب الى الله شبرا تقدم الله له اشباراً والحياه ماهي فقط اطفال الحياه هي انك تعيشي على مااعطاك الله وكلي امرك لله لن يخيب الله املك مادامك متكله عليه لا الاطباء ولا اي حاجه في الدنيا قادره تغير حالك زي رب العالمين اسال الله رب العرش العظيم ان يجبر قلبك جبرا يتعجب منه اهل السموات والارض وان يعطيك ويغنيك من فضله عمن سواه

شوفي انا حاسه فيك لاني جالسه امر بنفس همك جربت الانابيب وانا توني ٢٣ سنه ولا نجحت وتعبت من الابر والترجيع وكل شي بس والله ثم والله اني اقدمت على هاذي الخطوه ولمن مانجحت والله اخذت نفس عميق قلت يارب تولني برحمتك والحمد مر هذاك اليوم علي خفيف كانه الله يقولي سياتي ولو بعد حين اقدمت على هذا الشي وانا كل شي سليم عندي ولكن زوجي يستاهل اني اوقف معاه واوقف جنبه ولا ندمت اني خضت هاذي التجربه تدرين ليش لانه الله كاتبها لي وكاتب انه بتفشل عشان يختبر قوه ايماننا فيه والحين حابه اقولك عيشي حياتك ولا تجعلين هذا الشي هو همك الوحيد يختي اتركيه لله خذي لك راحه من الابر والادويه تداوي بالطبيعي العسل حبه البركه البردقوش خذي لك فتره راحه انتي وزوجك من اي شي يخص الاطفال وشوفي كيف الله يعطيكم باذن الله

ربنا يرزقك ويرزقنى الحمل السليم المعافى يارب 🤲🏻

لا تيأسين اختي دام الله موجود يعني الامل موجود والتفتي للنعم الي عندج جوفي الايجابيات في حياتج واكيذ عندج اشياء حلوة في حياتج غير الاطفال آنه حاسة فيج لاني متأخرة بعد

لاحول ولاقوة الابالله العظيم وكلي امرك لله تذكري دائماً الخيره فيما اختار الله ولا تتركين نفسك للافكار اللي تتعبك وماتفيدك
الله يجبرك جبراً يليق بجلاله وعظيم سلطانه