بعد الموضوع الاول
كوفي فرابتشينو
ولاقبال البنات عليه
حبيت احط موضوع ثاني
رحنا من فترة وشرينا فراولة فرابتشينو
مشكلة ستار بكس انهم مايسون الخلطة عدل تحسين بكسر الثلج في حلجج
واللي حسيته من طعمه
وسويته
وهذي المقادير تقريبا نفس مقادير الكوفي فرابتشينو
بس النكهات تختلف
1 خمس ملاعق كبيرة من حليب نيدو واو حليب كليم اي حليب بودرة
2 قشطة مقدار ملعقتين وكيس دريم ويب
3 عشر حبات فراولة مجمدة او على ذوقكم
4 خمس ملاعق كبيرة سكر او حسب الرغبة
5 ثلج مكعبات
6 عصارة (( مايخصني اذا عصارتكم اختربت ))
7 ماء
=================
الطريقة
نحط مكعبات الثلج في العصارة الين ماقبل الربع
وبعدين ماي الين النص
واخر شي السكر والحليب والفراولة ودريم ويب وقشطة
تشغلين الخلاطة الين ماتشوفين صار مثل الكريمة
في خلاطات خاصة تسوي الخلطة مثل الكريمة
انا اسوي بالخلاطة العادية المولينكس
===================
تقريبا هذا مقدار الثلج
على اساس لحد يقولي شكثر ؟؟
وبالهناء والشفا
وستروبري فرابتشينو
قلت ليش ما اسوي شوكولاته فرابتشينوا واسبقهم
طبعا هي نفس المقادير اللي ذكرنها
بس بنغير النكهة
وبنحط بودرة شوكولاته
تقدرين تحطين البودرة المرة بس لازم تضيفين سكر اكثر
او بودرة جلكسي
وانا استخدمت بودرة نسكويك
وبالهنا والشفا
==============
خلونا نخترع فرابتشينوات يديدة
سوي نفس الطريقة مع الفيمتو بس من دون حليب واللي يحب الحليب يضيفه
وبعد مع تانج البرتقال وايد حلو بدون الحليب
الحليب بس مع المانجا حلو جربته يصير نفس طعم ايس كريم مانجا كولفي
اللي تبي تسوي تجرب كمية بسيطة لشخص واحد
عشان تشوف النكهة تعجبها ولا لا
والسمووووووحة