فرجك يالله

ماادري اللي قاعدة اسوية صح ولا غلط اني اطلع اسرا بيتي بس و**** متضايقة وعلى العموم اي بيت خلاص انهد وكل شي منتهي انا كنت اقصد لازلت متزوجة مع ايقاف الحكم متزوجة من سنتين وماعشت فيهم في بيتي غير سنة واحدة بس تدرون وش المشكلة ان زوجي من البداية حب يقربني منة في ايام الملكة الكلام الحلو 00الهدايا00الاتصالات00والزيارات
ملا علي دنيتي ونساني هم مرض ابوي وعجزة وبعدين دخلت بيتة اول مادخلت بيتة انقلب 180 درجة حاولت اتقرب منة تصدقون صار من اول يوم يتهرب مني وينام لوحدة في غرفة حبيت اعرف السبب يقول ماانام الا على التلفزيون قولت لة عادي انا انا معاك ورحت غرفة النوم ونقلت فراشي وصرت انام معاة في غرفتة بس كان يتركني طول النهار والليل ويقول عندي عمل واسهر مع اصحابي وكل مااكلمة يتضايق ومايرجع غير الفجر ماحبيت اسراري تطلع برة وكنت دايما اتكلم معاة
واخرة صبري لين درى اني حامل فرح فرح عمري ماشفتة ولين جيت انام جنبة صحاني من النوم وقال لي روحي الغرفة الثانية انا ادخن قولت لة عادي دخن برة وادخل او انا اخرج شوي وارجع قال لي لية روحي الغرفة الثانية احسن مع اننا مع بعض ماعمرنا اتخاصمنا او احد جرح الثاني ولا هو عصبي ولا انا بس لو بغى حاجتة ياخذها مني ويروح وانا اتالم في داخلي بعدين قلت عادي اتحمل اشوف لين اولد بالسلامة

والله بعد ماولدت كرهني زيادة بس مايبين الا بتصرفاتة ولين سالتة لية مخليني انا وبنتك لوحدنا وانت على طول برة او في غرفة لوحدك قال عشان لايجيني منك فتور


يتبع