فرجوا همي الله يفرج همكم دنيا وأخره. وأعينوني لحل مشكلتي..

السلام عليكم ورحمة الله وبركاته
يسعد صباحكم

أول مره أكتب معاناتي بعالم حواء
أنا متزوجه لي ثلاث سنوات وكان زوجي ببداية زواجي مدلعني وبعد زواجي بسنه الا حملت
وبعدها زادت المشاكل وصرت ماأتحمل ولا كلمه وبعدها سقطت وكانت جارتي باالشقه تكلم
تقول ياحضك أنتي زوجك مدلعك أنتي زوجك يطلعك ويمشيك ويجيب لك من المطاعم
ومن السوالف شكلها شغاله على العين السحريه بس مراقبه وتسالني وين بتطلعين اليوم
وأذا جات عندي وش شريتي يوم رحتي وأنا طيبه وغبيه على نياتي أعلمها كل اللي شريت
ولا بعد تقول خليني أشوفها وأجيبها لها وهي تروح وتطلع وتشتري ماأحب أسألها
أالحمد لله كاأنها ماشافت خير وزوجها ماشاء الله عليه مدلعها وطاير فيها
بس ماتشوف الا اللي عندي:angry2:
وهي مصلحجيه يعني أذا كانت لها مصلحه عرفتك وأذا ماتبيك تشطف
وتستغلني باأشياء أسويها لها ولاقلت لاأمي وأخواتي يضحكون علي
يقولون لي أنتي شغاله عندها ردي عليها وقولي أنا مو شغاله عندك
وأشطفيها بس أنا مو متعوده شخصيتي كذا ماأحب أحد ياخذ مني موقف ويزعل
أخر شي زوجي هاوشني قالي ليش ماتسوي غداء قلت له
قال أقطعي علاقتك فيها وصارت تدق وأشطفها وبيني وبين نفسي أقول خطا اللي سويته..
بنات سؤالي هنا صح اللي سويته وسمعت كلام زوجي ولاخطا لاأني أحس يتأنيب الضمير ومنحرجه أقابلها وش رايكــــــــــــــــــم؟؟؟؟


ومشكلتي الثانيه قبل كم شهر ولدت وبعد ماطلعت الأربعين تغيرت نفسيا
وصرت ماأهتم بنفسي مثل أول وحتى ماأهتم ببيتي وكرهت الطبخ وزادت مشاكلي مع زوجي
وصرت أرد عليه وكل فتره أقوله طلقني وش تبي فيني تزوج علي وأبكي أبيه يطلقني
وبس أدور أي زله حتى لاجاء يبي يجيني صرت أمنعه وماأبيه وكرهت الشي هذا
وهو يقول حرام عليك تبيني أروح للحرام وأقوله رح ولاتزوج غيري
وقسم صارت نفسيتي زفت وكل أسبوع ولاأسبوعين رايحه بيت أهلي أطلب الطلاق
وأمي وأبوي يحاولون فيني وأرجع يقولون الرجال ماغلط عليك بشي أنتي الغلطانه
صح لاجيت عند أهلي أشتاق له وأرجع ويوم جاء رمضان بس طايحه وأحس بكسل ودوخه
وأرجع أنام حتى زوجي يقول وين الفطور أقوله جب من برى ولاأمشي عمري بأي شي من اليوم اللي قبله
حتى هو يقولي وش اللي غيرك أول كنتي ماشاء الله عليك كل عصر صاحيه والقهوه والحلى والدلع واللبس
ومدلعتني والبيت ماشاء الله نظيف والحين بس معصبه ونايمه .
بنات تكفون أبـي أغير حياتي للأحســــــن أبي أتغير أبي أتغير أبي أنظم وقتي أبي أصير مثل أول
الحين لاجاء من الدوام بس نايمه لاقالي أبي فطور أبي غداء ولاشي
قلت طلقني وتزوج وحده تخدمك .. أدري أني أنا الغلطانه ميه باالميه
بس ماأقدر أمسك نفسي لازم أرد عليه أحس أعصابي تفور بسرعه ولاطلع ولاراح الدوام
أندم وأخاف يصير فيه شي وهو زعلان علي وبيني وبين نفسي خلاص أقول أبي أتغير
وأدق عليه ولاجاء رجعت للنوم أو الهواش..
تكفون أبي منكم حل أبي منكم تنصحوني تكفون تكفون وقسم أني واصله للياس من الحياه تكفون أبي وحده منكم تعينني وتنصحني حتى أن شاء الله أرجع مثل أول أهتم ببيتي وبنفسي وبزوجي
تكفووووووووووون والله أني صادقه بكل كلمه قلتها وماكتبت مشكلتي ألا أني معتبرتكم مثل أخواتي وأبي منكم الحل...
تكفوووووون فرجوووووووووا همــــــــــي الله يفرج همكـــــــم دنيـــــــــــا وأخـــــــــــره .