فرج الله هم من قرت موضوعي

السلام عليكم ورحمة الله وبركاته

الحمدلله حتى ترضى يارب انت قلت وقولك الحق ادعوني استجب لكم يارب اشفني واشف مرضى المسلمين يارب العالمين

بقولكم سالفتي مع تعبي اتمنى القى منكم النصح والدعاء ربي يكتب اجر كل من يساعدني ادري ان الشفى بيد رب العالمين ونعما به ولكن المؤمن يحتاج المشوره وانا ارتاح لاخواتي بالمنتدى فكم ساعدتوني واستفدت من كتاباتكم وردودكم لبعض .

سالفتي هي انا ولدت من قريب ثلاث شهور ولله الحمد بعد سبوعين سويت خياطه تعبت بالبدايه منها وكنت استخدم مضااد حيوي علبتين تقريبا مع المسكنات لما جاء بالنفاس 25 يوم في ذيك الليله اكلت عشاء متأخر لمن خلصت بربع ساعه جاني الم فضيع بالظهر والبطن من اعلى وصدري احس ضلوعه بتتفتت من الالم رحت المستوصف وقالو التهاب في فم المعده حطو مغذي وابر ولافيه فايده الالم يزيد ع اذان الفجر خلاص حسيت روحي بتطلع قالو يامدام خلاص روحي المستشفى يعملو لك غسيل معده طلعت وبالطريق استفرغت كل الاكل والحمد لله بالتدريج راح الالم ولله الحمد كانت الساعه قريب 6 الصبح .
رحت البيت صار معي شي غريب اي اكل اكله لو تمر خبز اي شي يجيني الم بالبطن ثم ينزل الاكل بدقايق وانتم بكرامه
صرت ع ذا الحال اسبوعين نزل وزني بشكل فضيع رحت المستشفى قالو لازم تحاليل احتمال جرثومة المعده تسوي كذا ومن هاذا الوقت وانا بالفراش جسمي مهدود وكل شي يوجعني ونفسيتي تعبانه عيوني مااقدر افتحها لما اسمع الرقيا يجيني حالة بكاء جتني ضيقه احسها تقطع صدري ودي اهج من البيت لما يجي الليل تسود الدنيا بعيني اتعبت امي معي رميت عيالي ماادري عنهم المولود يمر ثلاث ايام مااشوفه وهو جنبي .لاني مااحس بالي حولي الحمد لله ع كل حال .
المهم سويت التحاليل صار فيه بكتيريا بالمعده فقط ولله الحمد ولكن نوبة الالم رجعت من جديد الم الظهر والبطن والصدر والاستفراغ وصارت كل اربعاء تجي واروح الطوارى وع ذا الحال اسأل الدكاتره يقولو التهاب معده ابتعدي عن الاكل الي يثيرها
امي الله يحرم يديها عن النار جابت لي سدر وماء زمزم وتروشت فيه والله الذي لااله الا هو كأنه ثوب انقشع عن جسمي حسيت بتحسن كبير ياربي لك الحمد وقرت علي وحده الله يجزاها خير قالت فيك عين قويه اثرت على المعده سوت التهاب قوي والمعده ماعاد تطحن الاكل عشان كذا ماتستفيدي منه .
عكتني ادويه ومستمره عليها ولله الحمد ولكن النوبات الى الان تجي
رحت ابحث عن حالتي بالنت قالو اعراضك قريب من المراره رحت سويت الاشعه صار فيه حصوات بالمراره صغار
قالو لازم عمليه هل العين تجيب المراره
رجعت للحرمه قالت لاتسوي عمليه لها علاج شعبي يفتتها .
الحين المستشفى يقولي انتبهي لاتنزل الحصوات بالبنكرياس وندخل بموضوع ثاني
رايكم وش اسوي خصوصا ان المستشفى يقولي اعراضك فيها من المراره والام ثانيه مالها دخل بالمراره ياربي تعبت

ادعولي تكفون والي تعرف شي تنصحني ربي يجزاكم خير
ماراح انساكم من دعائي