فرحااااااااااااانه بس زعلااااااااااااااااااااااانه

آسفة أختي لاأدري ما هو التصرف الصحيح لكن أرجو ألا تكوني من الأهالي الذين يتعبون أبناءهم بمعنى أنه يجب أن يأخذ الأول بل المهم أن يكون متفوق نعم نطمح للأفضل لكن ليس لدرجة أن يكون هدف الابن الحصول على الدرجات بل طلب العلم و ثواب طالب العلم عظيم بعض الأهالي يتعبون أبناءهم ونفسياتهم بقول: يجب أن تكون الأول أو من الخمسة الأوائل أعتقد _ في نظري _أن هذا يجعل المنافسة غير شريفة بل قد يصل الأمر إلى العداوة بين الطلاب و عمل المكائد , أعانك الله . أما بالنسبة لهذا المعلم فلا نعلم كيف شخصيته و هل سيتقبل الاستفسار لأن بعضهم لا يقبل الاستفسار فكيف بالاتهام ؟ استخيروا الله لأني أخاف أن يغضب و يكون ابنك الضحية . و كما قلت لك اغرسي في ابنك حب طلب العلم لا للدرجات فقط و قولي له أن حتى الطريق الذي يذهب به إلى المدرسة له أجر و الطموح مطلوب لكن ليس على حساب صحة ابناءنا و نفسياتهم .

يااختي انا ماقلت اني غاصبة ولدي على الدراااة بالعكس هو من دووون عيالي نبيه وشاطر
وعلى فكره انا اذاكر له حاله حال خوانه بس خوانه درجاتهم زينه يعني مشيين حالهم بس هو لاحظت فيه شدة نباهه عشان كذا حبيت اساعده وانتي قريتي في البداية شكاتبه انا كتبت اني ابي افرررحه وابي احسسه انه هو الاول بنظررري

ماشاء الله تبارك الله

اشتري له هدية عليها القيمه بكذا تشجعيه وفي نفس الوقت يخف الزعل عنده

أنا بنظري انج لاااااااااازم تخلين أبوه يروح ويكلم المدرس ... بس بأسلوب محترم ويحسسه انه هو واثق من ولده ومن مستواه وانه فعلا يستحق الاول بجداره من متابعته لدرجاته ..
والله أغلب المدرسين يخافون يوم يحسون انه الطفل وراه ظهر وفيه حد يتابعه ويحسبون له ألف حساااب .. اسئلي مجرب ..
ولو الله لا قال والمدرس قلب الموازين على ولدج انتي فهمي ولدج انه يوصل لج كل صغيره وكبيره وأي عقاب يتعرض له أو تهزيء .. علشان تعرفون كيف توقفونه عند حده وفي ذيك اللحظه لا تكلمون الاستاذ بل الادراه علشان تتصرف وياه ...
هاي مدرسه وفيها لازم الواحد يتعلم الصح من الغلط .. والظلم من العدل .. علشان الطفل ما يكبر وفي داخله حقد و انحباط واحساس بالظلم وبعدها يحاول يتصرف بطريقه عدوانيه أو انه يصير انطوائي ويخاف من كل شي ....

هذا نظرتي ..

وعلشان تحسسيه انج صح فرحانه بتفوقه .. بنظري انج اتييبين له ولأخوانه كلهم بعد هدايا ..
بس الهديه الاكبر تكون له وتكون هديه تناسب ميوله .. وممكن تعطين كل واحد فلوس (بيزات) بالقدر اللي يستحقه ... يعني الاول مثلا 100 واللي ترتيبه عقبه 50 واللي عقبه 25 وهكذا ..
علشان يكون في تنافس بينهم وبين بعض ..
وعقب وديهم على الالعاب أو على محل يبيع ألعاب يشترون اللي يناسبهم بالمبلغ اللي عندهم ..
وممكن تسوين حفله حلوه وبسيطه بينج انتي وزوجج وعيالج وبس .. لانه صج عيون الناس ما ترحم وفي ناس تذكر الله وتصلي على الرسول عليه الصلاه والسلام وفيه ناس تحقد وتحسد في خاطرها .. الله يبعدهم عنــــا ..

والله يوفق عيالج كلهم يا رب و يسعدهم دنيا وآخره ويبارك لج فيهم ويجعلهم خير معين لج ولأبوهم ياااا رب ...

للرفع




هدة مشكلة اطفال وااااجد انهم اطفال ادكياء وعباقرة بس مالهم حظ في الاساتدة والمعلمين

وانا عانيت من هالمشكلة بس ماسويت شي غير اني دمرت مستقبلي فانتبهي لولدك