هلاا خواتي

هلا اختي أم محمد
قولي اللي في خاطرك وكلنا نسمعك
حياكي معانا بين خواتك وحبيباتك


تسسسسلمي اختي البسمة البريئة
والله يوفقك انتي كمان ويسعدك ويوفقك دنيا وآخرة ويفرج كل همومك وهموم كل المسلمين



أهلين عزيزتي كل الأسماء متواجدة
وإن شاء الله نسمع منك قريب أخبار جديدة وحلوة



هلا حبيبتي habhouba
وياااا سلاااام
إن شاء الله تنبسطي وتستريحي
وخذي راااحتك ع الآااااخر
مو كل يوم العيد :)


هلا اختي وحيدة_الإمارات
والحمدلله رب العالمين دامك مبسوطة اليوم
وإن شاء الله دوووم مب يوم
الله يوفقك ياااا رب دنيا وآخرة

أما عني
فاليوم أقدمت على خطوة كنت من زماان أبي أساويها
لكني مترددة وخايفة من باقي الخطوات
وبشكل عام مبسوطة ومرتاحة ولله الحمد مع أهلي
لكن العتب على اللي ببالي الله يسامحهم

الموضوع حلو جدااا
انا بصراحة متنكدة لاني بكرة عندي مهمة التفتيش على الشغالة بسفرها الله لا يردها
عكرت مزاجي
ونصيحة لا تجيبوووون شغالات اندونيسياااات

اليوم توضحت لي بعض النقاط ... والحمدلله ارتحت كثير
وخاصتا انها كانت تشغل بالي من فترة طويله ...

دعواتكم بنات ان الله ييسر زواجي
ويهدي بال الوالده الله يسامحها :44:

قمر الليل الحزين ..

شكرا حبيبتي وتسلمي على تشجيعك لي ..
بصراحة كنت محتاجة أحد يشجعني .. :)
و إن شاء الله دوم تكوني مبسوطة وفرحانه ..

sarah-9
إي أختي لازم تفتشي عليها ترى مالهم أمان .. وسمعت بلاوي من الاندنوسيات الله يكفينا و ياكم شرهم آمين ..


.. أمممممم من وين أبتدي وين أنتهي ...
مشكلتي إني دوووووم أحب أبان قويه " ياجبل مايهزك ريح" ... وعمري ماحبيت أبين ضعفي لأحد من أهلي مهما كان قريب مني .. ولا أبين لهم حزني وهمي .. وكانت ولازالت هذي مشكلتي اللي ما أقدر اتخلص منها .. حتى إني في بعض الأحيان أقول عن روحي ممثله شاطره ، لاني أعرف شلون أخفي شعوري ..

لكن .. تعالي لي شوفيني آخر الليل شلون أون .. وشلون أتألم .. طبعا ولله الحمد أنا حامل .. ببكري .. و الله يخليه لي ويجيبه بالسلامة .. و غير هذا إني لسه مطلقة جديد .. وراجعه بيت هلي رافعة راسي .. إني ماابي زوجي .. لاني مو مرتاحة معاه وهو مو مرتاح معاي .. كان ودي أدفن راسي بحضن أمي وأبكي مثل الأطفال .. لين أرتاح .. لكن صار لي شهرين للحين مااقدر أبكي قدام أحد .. ولا أقدر أكلم أحد ولا أقدر أشكي همي لغير الله .. ارتحت عن جد بعد طلاقي لان زوجي غيووووور وشكاك و الإنسان اللي هذي أطباعه ماتقدر الوحده منا تعيش وياه .. لكن هم الحمد لله ..

آآآآآآآه و ألف آآآآآآه لمن أجي أنام .. أحس هموم الدنيا كلها تنزل في ذيك اللحظات .. و يبدأ مشوار البكي عندي .. لين الله يفرج لي وأنام ...

أكثر شي يألمني يمكن تضحكون عليّ.. كنت متعودة لمن أجي أرقد يكون زوجي جنبي ويلمني في صدرة ... لا تفكرون في شي ثاني ... ترى بس هذا اللي معور قلبي .. إني ما الاقي أحد ياخذني في صدرة و أنا في قمة تعبي و ألمي ..
ومثل ماتعرفون نفسية الحامل شلون تكون في حملها .. ما بالج وهي مطلقه ..و تتعب لوحدها وتعاني لوحدها .. من غير حتى مااحد من الموجودين معاها يحسوا فيها وفي اللي تعانية ..

بس بعد الحمد لله .. و الله يعوضنا خير .. و إن شاء الله يكون كل شيء صار عن صلاح ..

... شكرا لكم على سعة الصدر ..