فرحانة كثير اني اصبحت معاكم

بسم الله الرحمان الرحيم

السلام عليكم يا احلى بنات احلى منتدى عرفته في حياتي، و الله العظيم انا دايما متابعة ها المنتدى و دايما كنت احب اشارك فيه، و الحمد لله تحقق لي مرادي و اشكر المشرفين على ذلك، و على فكرة هذه اول مرة اشترك في موقع في حياتي.

اولا احب اشكر كل العضوات الحلوات على اللي يقدمونه من نصائح و مساعدات و حاجات حلة كثير ما كنت اعرفها ابدا.

الحقيقة انا بنت مهملة قوي في نفسي، رغم اني حلوة و جميلة(اسمي كمان جميلة على فكرة)، لكن اهمالي و كمان بعض الامراض اللي اصابتني:44:(مو خطيرة طبعا) غيرتني كثير، خصوصا جسمي اللي اسود، و شعري اللي كان يضرب به المثل، كان قوي و كثيف و طويل و كمان اشقر طبيعي، دلوقتي صار باهت و يتساقط كثير و ما فيه حيوية و لا حاجة فاضطريت اني اقصه، و كمان بشرتي صارت مليانة اثار حبوب و بهتانة رغم اني لسه شابة صغيرة.

المهم انا دلوقتي ابتديت الحمد لله في الاهتمام بنفسي، اولا عشان ارضي نفسي و ثانيا عشان ما اتشوه قدام جوزي لما اتزوج ان شاء الله.
اعرف انكم مليتو مني بس انا كده لما ابدا اتكلم مبسكوتش ابدا، استحملوني.

المهم اللي حصل ان وحدة قريبتنا مشوفتهاش من سنين، و لما شافتني استغربت و قالتلي اتغيرت كثير و حالتك حالة، و هقولكم عملت لي ايه.

بالنسبة للشعر اخذت ثوم و قطعتو و وضعتو مع زيت زيتون وحطتو فوق النار لغية ما سخنو جيدا، ولما برد شوي قامت حطاه لي في شعري بالقطن و غطيتو و نمت لغاية الصبح، واخذت الحناء و خلطتو مع ماء دافئ و بيض وقامت حطاه لي كمان في شعري و خليتو بس ساعة و غسلته لاني كنت خارجة، و الله يا بنات روعة، حسيت بنعومة و لمعان من اول استخدام، و كمان الحناء اعطاتني لون حلو، انا عمري ما حطيت حناء على شعري و ما كنت احبها، دي اول مرة ، و كمان البيض اللي فيها نعم شعري و خلاه يبرق.
و قالت الخلطة دي استعمليها على جسمك كله حتفتح ليك اللون، و انا فعلا حطيت الحنا على جسمي لما عملت الحمام المغربي بس من غير بيض حطيتو مع الصابون المغربي و جلست في البخار حوالي 25 د و شطفتو و فركت جسمي بالليفة، و الله حسيت ان لوني انفتح و ان شاء الله حستمر عليها و حجربها مع البيض.

و كمان عملتلي شغلة ثانية في شعري، بعد يومين كده حطت زيت مع ثوم و الحنا و البيض بس هذه المرة خلطتها مع بصلة مطحونة، تقول ان البصل يطول الشعر، بعد ما غسلته لاحظت فرق كبير.

و بالنسبة للبشرة اخذت دقيق الشعير و خلطته مع خيار مبشور بقشوره و عملت منه عجينة و حطتها على بشرتي و الله يصفي البشرة، و قالت لي كمان انك لازم تعملي ماسك الحلبة مع اصفر البيض و العسل.

كنت اتمنى انها تبقى معايا كثير اصل عندها حاجات كثير حلوة، لكن للاسف سافرت.

و الله دي اول تجاربي و اول حاجة بعملها لنفسي و حبيت اشارككم فيها يا حبيباتي، و اتمنى تتقبلوني، و ما اكون ازعجتكم.