فرحتي تبدلت حسره

لاتزعلي ياقلبي والله انا زي حالك وحاسه فيك بعد ماكان شعري كثيف صار حفيف استحي منه وانا شعري من النوع الجاف ويبله استشوار
ياربي وش اسوي حتى زوجي يقول لي وش قصه شعرك بعد ماكان شعر خيل صار شعر نعامه (هو يقول النعامه منتفه مافيها شعر )
انا يشافيكي ويشافيني ويعوض علينا رب العالمين
بس باقولك سوي تحليل دم نقص الحديد او زيادة هرمون الدكوره يساقط الشعر
ولاتزعلي ياقلبي خلينا نبدي مشوار الزيوت والله يكون بعونا..

شوفي دكتوره احسن لك لان ممكن اسباب كثيره هرمونات او سوء تغذيه او حاله نفسيه او...
اتمنا يرجع لك شعرك


تقبلي مروري

أهلين قلبوو صباح الورد

اولا هدي نفسك واذكري الله ...
ثانيا العلاج اللي رح اقولك تبدين فيه هو " العلاج الرباني "
من ناحية التحصين والذكر قبل أي طلعه او اي سهره انتي طالعه لها
وانتي تسرحين شعرك سمي بالله وابدأي سرحي شعرك
فيه اشياء كثيره حنا نغفل عنها ونقول الناس ماتهتم منها
بس مره لفت انتباهي كلمه قالتها لي عمتي الله يجزاها خير يارب
قالت لي " الناس تشوف شئ انتي ماتشوفينه "
يعني لانقول هالشعر وهالطول او هالجمال عند الكل او انه شئ عادي والناس مو ناقصها !!
لا مايصير لابد نحصن انفسنا ولو بشئ العادي .. لانه بعين غيرك مو عادي
على العموم قلبي
علاجك هو تحصينك لنفسك وابداي علاج طبيعي
وهو السدر مره رووعه ع الشعر واذا نفع ولا مضر بس اهم شئ نظيف ومن النوع الطيب
ورح تعرفينه من اللون لو كان مغشوش او لا
استخدمي السدر مره بالاسبوع وبعد ماتحطين السدر اليوم الثاني على طوول حطي زيت اللوز
مخلوط معاه زيت خرووع لان السدر يجفف الشعر فلازم شئ يرطبه وافضل شئ الزيت
واستمري على هالكورس شهرين صدقيني بإذن الله رح يخف التساقط ورح تشوفين اللمعه بشعرك
انا ناويه ابدأ هالكورس بس للأسف السدر خلص وكل يوم أقول باخذ لي وانسى
لعل مووضوعك جاء بوقت كويس يحمسني اجيب لي
ع العموم عيووني استمري ع اللي قلت لك والله يكتب لك اللي فيه الخير ياااااااااااارب ,,,

حبيبتي
اهم شي هدي نفسك لان التفكير
يزيد المشكله ولاتحزنين لان النفسيه لها دور
كبير في التساقط اول شي ريحي شعرك وقفي الخلطات ونسي المشكله
ولاتنسين توردين عليه وانا انصحك تقصينه وتبتدين تغذينه وهو قصير با الزيوت والحناء
الله يشفيك ويشفيني وكل مستضر

استغفري الله كثير
وتصدقي بنيه الشفاء
واذا شعرك يطيح خصل لاترمينه بالزباله اكرمكم الله
ادفنيه بالتراب


موفقه