قبل ثلاثة أيام اشتريت جلات الأحمر وهو يجي نوعين عادي وقوي على حد علمي مدري ان كان فيه ثالث ..
أنا اشتريت القوي ب11 ريال فقط من محل تجميل تبع سوبرماركت المستهلك بمكة المكرمة ..
وهذي صورته بس هذا العادي مكتوب نورمال ..
نوعية شعري قصير وكثير ماشاء الله لكنه نافش ومطعج من راسه لرجوله :) والشعرة خفيفة ولينة لكن ناااشف كثير ..
طريقته مكتوبة في العلبة يقولون لازم الشعر نظيف أنا ماكان لي يوم متحممة فسويته على طول وخليته ربع ساعة لا تكثرون المدة بسرعة حطيه وحاولي احد يساعدك عشان ماتطولين لأنه يحرق الشعر اذا طول ..
غسلته بمويه فقط زي ماهو مكتووب وحطيت وراه البلسم المثبت
نشفته بالسشوار شوي ولفيته بالرولات ماطولت عشان كنت بصلي ففكيتها بسرعة حططيت سيروم وكريم للشعر ثم حطيت زيت سمسم وخليته يومين لأنه صار زي الليفة ومفرود زي الصواريخ <<<<< اقرب تشبيه جاء ببالي ..
المهم اليوم غسلته وحطيت فاشكول وشوي من البلسم المثبت حقه لأنو بقي واحد كامل ..
النتيجة باقي ناشف بس اخف من امس لاين شوي والنفشه هادية خليته لين نشف من نفسه واستشورته عادي بس في 10 دقايق مو ساعة زي قبل لكن مشكلته ما يتلفلف واقف ولأنو شعري قصير لو كان طويل كان لفيته بالفير ..
كمان نسيت اقول شغله اطرافه شوي كاشه فقصقصت منها شوي وضبط ..
نصيحة أخيرة :
اللي مسويه ميش لاااااااااااااااااااااااااااااا تسويه اطلاقا أنا مسويه خصلة وحدة صارت زي المطاط فانتبهوا .
لو جد جديد بأوافيكم بالنتيجة واي سؤال انا حاضره ..
بس قوي ابعدي عنه افضلك