والله كنت بنزل موضوع عنها أسأل عن طريقة تنظيفها الله يعينك شكلك مثلي فارشه الغرفه كلها صعبه تطلعينها .. بصراحه مقرفه مقرفه مقرفه وشويه عليها لأني فرشت غرفة جلستنا
عند التلفزيون عشان نرتاح بالجلسه وتكون ادفى من السيراميك وندمت ندم عمري ماتنكس أبد أبدا حتى بأنبوب المكنسه مانفع لو هي قطعه صغيره أهون
أبقلبها وأضرب فيها حتى ينزل اللي فيها بس كبيره الجلسه كلها وش بيطلعها!! حتى يلصق في شعرها كل شي يطيح من الأطفال تمر حلاو فتافيت الحلويات أي شي يدبق يلزق فيها ومايطلع لابكنس ولا نفض شكلي بجيب مجهر أمشي فيه على الفرشه
حتى المكرونه إذا طاحت من بنتي وهي تاكل دخلت بين الشعر ولزقت وحبات الرز أشوفها قدامي وأشفطها بالمكنسه ولا ينفع!!
طبعا اللي طايح من الأكل عشان بنتي ماتاكل في مكان واحد لازم ألحّقها >>الزبده أنا ريب إن شاء الله أبرميها غير مأسوف عليها
وأخليه سيراميك وإلا أفرشه بفرشه ممسوحه مافيها شعر أنظف ..

اه اه ضربتي على الوتر الحساس المكرونه ما تنفع ابد لمكان الجلسه تنفع للضيوف فقط انا كنت فارشه صالتي منها جلست سنه لكن خلال السنه جاني تمزق في الكتف من تنظيفها وبعدين غيرتها بموكيت اقل شي ينكنس في خمس دقايق مو اربع ساعات وبالانبوب بعد انواع العذاب كنت اقسمها ساعتين بعدين اريح واكمل الساعتين
الحل اشتري فرشه وخليها فوقها بعد ماتنظفيها عشان الاكل والعصيرات والمويه واشتري بودره معطره حقت الفرش ورشيها واكنسي لعل وعسى تنفعا تحياتي

مادخل مزاجي هذا النوع من الموكيت ابدااااااااااااااا

احس انه مرتع وملفى للقاذورات والاوساخ

غير الغبار والحشرات وغيره وغيره

لالالالا ماافكر فيه ابدا..

اذا عجبني منه نوع مره مره افكر اعلقه على الجدار مو احطه بالارض

ملي البانيو بالماء وماده تنظيف حطيها ووقفي عليها وامسي رايح جاي

بيعينك الله وكذا بالتشطيف ولما تخلصي ارفعيها بالتدريج على جدار البانيو او كراسي وبعدين انتي ومعاكي يد حنونه وقلب دافي طلعوها بره او على السطح

ونعيما"

ياكرهي لها وعععععععع ... ماتنفع بغرفة جلوس... تنفع بغرفة نوم .. أنا بغرفتي وحده بس صغيره حلوة وما تتعب مرررة ..
لاكن موكيت ماتنفع ابد أعرف وحده متضاربه مع زوجها علشان تفرشها وحصل لها ما أرادت << مايمديك على اللغه
بعد شهر قالت مابيها مب حلوة تجمع أوساخ .. حلف زوجها انها ماتغيرها الا بعد سنه .. والمصيبه استفرغت بنتها عليها والحين متندمه عليها تقول لو اني طايعته من اول بس مكتوب ... معليش طلعت عن الموضوع بس الزبدة انها ماتنفع ولو برياااااااااال خاصة للي عندهم أطفال .. والسلام << ماقصرتي ههههه