فرصة العمر وهم مايعلم فيه إلا الله

السلام عليكم
بدخل في الموضوع على طول، جاتني فرصة ابتعاث مدتها من ٤-٦ سنوات. ولكن بعدها بتكون الوظيفة شي جامد بإذن الله إذا وافقت على هالابتعاث. المشكلة طول هالسنين زوجي شبه عاطل عن العمل( يشتغل بس مثل العمر الحر داخل المدينة غير مسجل كموظف أو صاحب عمل) وقرب عمره من الاربعين هالحين ( اخر سنوات الثلاثينات) وهو بدت تجيه احتمالات حصول على وظيفة ( هو خريج بكالوريوس) واذا بدأ في الوظيفة فرصته قبل الاربعين. اذا يسافر معي ويرجع يكون عدا الاربعين ومافيه مجال توظيف خلاص💔.يعني حياتنا ممكن تتحول من إلى وتتحسن بس صارت هم كيف وعندنا اطفال وواحد منهم رضيع لسى💔💔💔. قالي يقدر يطلع معي هالحين البعثة ويرتب اموري وبعدها يرجع. بس فيه عدة مشاكل:
١- كيف ابقى في الغربة مع رضيع بدونه💔؟ ودوامي هناك بيكون شفتات؟؟؟!!!
٢- الاطفال البقية ماعندي احد يمسكهم هناك بدونه؟
وفي البلد محد بيقابلهم يدرسهم💔، ابوهم يمكن وظيفتها في مدينة بعيدة عن اهلنا
٣- اذا ماخذ هالوظيفة بيبقى طول عمره عاطل
٤- إذا انا رفضت البعثة بكون ضيعت فرصة عمري وتعبي طول السنوات اللي طافت عشان هاللحظة وببقى في مستوى معيشي بسيط !

عقلي وقف عن الحلول!!!!
لهالحين ماخلصت اوراقي وماعرف اي شهر ممكن يقولوا لي يلا روحي ولا هو وظيفته موجودة ومضمونة بس في اي لحظة ممكن تجي