فرصتك لتغيير .....💖

اول نقطه التوكل على الله سبحانه تبعدين عن الناس المحبطين واكتبي اهدافك وحققيها بالتدريج لا تبالغين مثلاً تقولين خلال اسبوع بنزل ١٥ كيلو ويجيك احباط اذا ما وصلتي له كل شي بتوصلين له بإذن الله بالمثابره والاستمرار "و تحت الاستمرار مليون خط" خليه روتين بحياتك واستمتعي فيه ولا تقارنين نفسك بأحد كل شخص تركيبة جسمك تختلف عن الثاني اهم شي حبي نفسك وكوني متصالحه معاها. حاوطي نفسك بناس يهتمون بالحياة الصحيه وايجابيين خلي اللي قاعده تسوينه لايف ستايل اذا كنتي تجبرين نفسك وتقولين متى انحف وافتك من الرياضه عمرك ماراح تستمرين لازم تحبين الشي اللي تسوينه وتخلينه روتين حياتك اليوميه حاله حال كل شي تسوينه يوميا استغرب من البنات اللي يقولون راح نقعد نسوي رياضه طول عمرنا؟ وشفيها؟ هذا شي يزيدك صحه وعافيه ويعدل نفسيتك ... احد يكره يعيش بصحه وعافيه؟.

الاكل الصحي مو معناته حرمان هالنقطه يبيلها موضوع بكبره 😂 الاكل الصحي مو يعني دجاج يابس ماله طعم و روب لا الاكل الصحي تاكلين كل شي بس بتوازن وحسب احتياج جسمك سجلي انجازاتك سواء ب نوت او صور لك وانت جسمك قاعد يطور خذي قياساتك وقارنيها كافئي نفسك وروحي السوق احلى شعور لما تروحين السوق وتشترين شي كنتي ما تقدرين تلبسينه قبل او تشترين قياس اصغر خلي هدفك انك تتغيرين عشان نفسك وصحتك مو عشان الناس وكل انثى جميله وتبرز جمالها بطريقتها ❤

وسمعت بطريقه من وحده تقول زوجها مبتعث وراح لدكتور هناك عشان السمنه قال له تقدر تاكل اللي تبي بس بشرط كل شي تاخذ منه بمقدار ذا الكوب وفعلا صار كل ما ياكل شي ما يتعدى هذا الكوب وماشاء الله نزل باربع شهور ١٥ كيلو احسها تنفع للي توها مو متعوده على الاكل الصحي وعشان تتكيف معدتها على الوضع فتصغر مع الوقت

أحييك على إختيارك لهالموضوع وصحة وواقعية طرحك
والله يعطيك العافية
وننتظر جديدك.

جزاك الله خير يارب