فرص وظيفية تم خطفها من العاطلات المتكدسات

السلام عليكم ورحمة الله وبركاته

بنات شفت الغضب اللي صار بعد تأجيل احتياجنا وبصراحة معنا حق

بكل صرااحة الوزارة أجحفت في حقنا كعاطلات متكدسات والحلول موجودة بس

هم مايبووون الحين الوزارة لها مدة افتتحت مايسمى ب(مدرسة الحي) وبدل ماتتوظف فيها

العاطلة توظفت فيها الموظفة؟؟؟؟؟!!!!! بالله مو مفروض لها إدارة ومدربات وإداريات بعيد عن اللي

يداومون الصباح؟! الحين تطلع الظهر وتداوم مرة ثانية العصر لحد الساعة8 من وين تلاقي وقت

تقابل عيالها وتسترجع طاقتها لدوام اليوم اللي بعده؟!!مو العاطلات المتكدساات فالبيوت أولى

بهالوظيفة وراتبها بصراحة حسيت أن (مافي هالبلد إلا هالولد) كأن الكل متوظف

ومو لاقين من يمسك هالمجالات غير اللي أساسا على رأس العمل رجاءً لاتجي وحدة تقول حسسسد ترا تعبتنا هالكلمة كثيير بكل صراحة لازم

نطالب بأن تكون أندية الأحياء لها طاقم عمل مختلف عن الصباحي مو معقولة ولا هو عدل ناس

تداوم دوامين كل واحد براتب وكلهن قريبات من مقر سكنها وناس تظل عاطلة وتراكض ورا خصميات

حافز اللي كله على بعضه سنة وينقص كل4 شهور كللل اللي عند المعلمات من شهادات متوفرة

عندناا ليش مايتم تعيين العاطلات بدل المعلمات في نوادي الحيّ؟ هذا غير تعليم الكبيرات أيضا

أسندوه للمعلمات اللاتي على رأس العمل والمراكز الصيفية كلها للمعلمات حتى المركز اللي مدته شهر

مستكثرين راتبه على العاطلة بصراحة على هالنظام(الغني يزداد غنى والفقير يزداد فقرا)

هذه نبذة عن الوظائف اللي تم خطفها من قبل الوزارة ووضعها في غير محلها

أتمنى ألا يفهم موضوعي على أنه حسد كل ماهنالك غصة في القلب من تخبطات الوزارة الموقرة .