يارب ارحم امي واغفرلها وجميع اموات المسلمين
واحفظلي اهلي وزوجي وولدي....
لا اله الا الله
آه من عقرب ثواني ساعة اليد البطيئه
كنها بضلوع صدري تنفث سموم العقارب
أخلفتني من كثر ماهي بتناقضها مليئه
وأتركتني بس أسدد بين آهاتي واقارب
ماهقيت ان النوايا الطيبه تصبح مسيئه
لين نياتي أحذفتني بالبحر من غير قارب
في زمن صدق المشاعر تعتبر أكبر خطيئه
يختلط وجه الخطا بالصح من كثر التقارب
كل ماحسيت نفسي متخذ خطوه جريئه
أصدمتني نسبة الحساد مابين الاقارب
"عَفْوَاً ...سَأَتَخَطّى الْحُدُودْ ...!!
(( سَأُحَطِّمْ كُلْ الْحَوَآجِزْ وَسَأقْهَرُ الْرَهْبَهْ ..وَسَأكْسِرُ الْقُيُودَ وَالْأَغْلآلْ ))
.. وَسَأكُونْ خَآرِجْ الْعَآدَهْ ..
هَذِّهِ الْعِبَآرَهْ ..
يَقُولَهِآ ::/
مَنْ يَعْزُمْ عَلَى التَّحَولْ مِنْ نُقْطَهْ إِلَى أَعْلَى .. إِلَى الْسُّمُو دَآئِمَاً
(( سَأُحَطِّمْ كُلْ الْحَوَآجِزْ وَسَأقْهَرُ الْرَهْبَهْ ..وَسَأكْسِرُ الْقُيُودَ وَالْأَغْلآلْ ))
.. وَسَأكُونْ خَآرِجْ الْعَآدَهْ ..
هَذِّهِ الْعِبَآرَهْ ..
يَقُولَهِآ ::/
مَنْ يَعْزُمْ عَلَى التَّحَولْ مِنْ نُقْطَهْ إِلَى أَعْلَى .. إِلَى الْسُّمُو دَآئِمَاً
الصفحة الأخيرة
ابي اقلكم حبيباتي ما تلاحظون ان الثلاثاء الي فات كاان غير
كان الجو رااائع
وزخات المطر أروع
والنور يسطع بسماء الرياض
تعرفون ليه
لأن في ذاك اليوم استقبلت ست الحبايب {مامتي} في مطار الرياض :26:
الله يسعدها وين ما راحت
اسعدتنا وونستنا كثيييير لبي قلبها
ووسعت صدور عيالي بس تضحكهم وتسولف معهم >>>مو مثل امهم وحش كاسر خخخخخخخ
جاتني الثلاثاء وسافرت أمس السبت :(
ورجع البيت طفش في طفش
ما تشوفوني غبت عنكم خلال الأيام الي مامتي كانت عندي ..من شاف أحبابه نسي أصحابه ..:22: ولو اني أدري محد جاب خبري ولحد درا عني
ياحبي لمامتي
كنت يوم الأربعاء أسوي الغداء
وبنتي جات من المدرسه وجالسه تسولف مع جدتها في الصاله
ودار هذا الحوار بينهم
مامتي تقول لبنتي ..سرحوا زميلاتك اليوم ؟؟
بنتي .. :confused:
ومامي تعيد نفس السؤال لبي قلبها
وانا في المطبخ وأسمع سوالفهم
قلت يامامتي والله انها ما تدري وش تقولين !!لازم تترجمين :22:
قالت مامتي وش اترجم ؟؟
قلت سوالفك المشفره :42:
قالت ليه وش أقول لها طيب ؟؟
قلت قلي صديقاتي اليوم غابوا ولا جو ؟؟
قالت مامتي اييييييييييييه
وسألتها
وقامت بنتي تجاوب >>>>>بعد ايش
ياجده جو بس فيه 12 بنت غايبه :icon28:
يا حبي لهم
حسيت ان لازم يكون فيه مترجم بين سوالف البنت وجدتهاااااااااااا ههههههههههههه
وفيه حوارت دارت بينهم كمان >>>إذا تبونها ابشروا نستنى اشاره منكم .
هذا الي ابي أكتبه في الدفتر يا دنوووووو
مذكرات نوااامه يوم كانت مامتها عندهااااا >>>لا تفشلوني بس والله من الفرحه انها جاتني
ياحبي لها
كنت أغطيها في الليل ببطانيتين وأبوس راسها وتدعيلي دعوه آآآآآآه يازينها من دعوه
ليتها عندي عشان أسمع دعواتها لي كل يوم وليله
الله يحفضها وين ماكانت
بصراحه سوالفي وااااااااجد بس حبيت اسطرلكم بما يدور في خلدي وتفكير
آآآه ايام مضت مااروعهااااااا
ولكن سرعان ما تلاشت :(
السموحه والمعذره ع الإطاله
تحيااااااااااتي *نوااامه*