فرفشنه مواقفكنه المضحكنه والمبكينه والمحرجنه يالمغترباتنه

السلام عليكم ورحمة الله وبركاته

كيفكنه ويش اخباركنه عساكنه بخيركنه


المهم الموضوع باين من عنوانه وأول من يبدأ أنا

موقف حساس

جدي الله يرحمه كان له صديق أهم شي أسمه سلطان أبو حمد من اهل نجد عمره82 سنه أبوي يبر فيه ويزوره إذا راح لنجد المهم
أنا ماكنت أكلم أحد ماأعرفه على التلفون الثابت سواء كان حرمه وإلا رجال ولا ورع والبنيه ولا يحزنون
مثلا دق رجال وخذيت الخط وقال وين أبوك أصك الخط في وجه وإلا هذا بيت فلان بن فلان على طول أقول النمره خطأ لو هو صحيح

أهم شي أبوحمد كان جارنا لمن كنا في منفوحه123456789 يعني تسع سنين وهو جارنا
(ياكثر هرجه) الهم يوم تغطيت ماعاد أكلم أي رجال يومنا أستقرينا بالديره(ديرتنا في الغربيه تبعد عن الرياض 950كيلو )المهم دق أبو حمد على بيتنا بعد سنتين من استقرينا لانه ماكان عندنا تلفون وآخذ الخط لينه ابوحمد ويسلم قلت نعم خير قال انت فلانه قلت نعم من تبغى قال وشلونك ونعمك عسى الجماعه بخير وشلون الديره واهل الدير(قام يهذر) أهم شي وانا اقطع كلامه وانا أقوله بصريح العباره الحاده (لو سمحت ياعم أنا ماكلم الرجال الغرباء تبغى تكلم ابوي دق على جواله) والرجال يصكت لمدة دقيقتين بععدين قال لي الله يالدنياء تبريتي منا وانا اللي مربك مثل بنات بناتي أقعدي يمال المقعد ماني ميت عليك:hahaha: :30:













الموقف الثاني
مضحك

كنت فيثالث ابتدائي كنملقوفه مرررررررررررررررررررررررررررررررررررررره
أهم إذا جات الصرفه ماحب اقعد في المدرسه آخذ شنطتي واركب السياره ابوي كان يعرفني زين إذا تأخر عي مايعاين هو والوالده إلا أنا أطق الباب عليهم أجي من المدرسه للبيت على رجلي
والمسافه بين مدرستنا وبيتنا 1كيلو لذلك أبوي يجي ياخذني بدري
المهم مره سافر ابوي للرياض والسواق إذا سافر أبوي يجي ياخذ اخواني ثم ياخذني لكن مره من المرات تأخر علي وفي نفس الوقت مااااااااااااااااااااااااااااااااااااااااااااااااااااحب أقعد في المدرسه وقت الصرفه مااااااااااااااااااااااطيق القعده فيها وفي نفس الوقت بعد ماحبيت اروح على رجلي لان المسافه طويله وكانت زميلتي من نفس الحي إلي أنا فيه تروح على حافلة المدرسه قلت لها الحافله
تروح لحينا قالت إيه يحطونا عند البقاله اللي في وسط الحي قلت ياسلام إلا ياسلامين
ورحت من العجله (الهبال) كانت حافلة حينا تجي الساعه 1الظهر والله ماطالعت في الساعه واركب حافلة حي يبعد عن المدرسه10 كيلو ويبعد عن بيتنا11 كيلو لذلك حافلة الحي البعيد تجي بدري وأنا أبغى اطلع بدري وكانت الساعه12:50 والله واغركب وانا فرحانه علشان طلعت من المدرسه بدري
يوم طالعت لين سواق الحافله يوم اتجه شمال الفروض يتجه جنوب قلت يمكن طريق مختصر إلا والله يمشي يمشي يمشي أهم شي دريت إني في الحافلة الخطأ أهم شي وهو يوقف والبنات ينزلون مابقي في في الحافله إلا أنا قال السواق يالله إنزلي بنبره حاده ,انا أخاف وأنا أنزل (تحسبوني علمته بالقصه كان رجعني بس كنت موسوسه من حوادث الاختطاف كنت خايفه إن السواق يسرقني) المهم راح الباص وذلف وماعرف الطريق لبيتنا وإلا كان رحت على رجلي
لي ملاحظه
حسبي الله على الشيطان يتوه اللي خايفين ألتفت لأخر الحي وإذا فيه طريق بري يودي برا المحافظه يعني على الحدود والمشكله إنه خلف الشارع هذا عماله بدون إقامه تلقينهم مندسين بين الشجر وكان فيه شجره تشبه شجرة شارع حينا اللي يودي للمدرسه وخيل لي إنه هو نفس الشارع المهم وامشي وادله ودميعاتي على خدودي أبغى أمي(والله يوم اذكر هالموقف إني أقعد أبكي كاني بنت صغيره مالها أهل كاني مشرده وإلا يتيمه) وامشي ونادي أبوي وكنت أقول(يااااااااااابوووووي ياحبيبي تعال أنا ضعت اترك الرياض وتعااااااااااااااااااااااااااااااااااالي يايااااااااااااااااااااااااااااامه تعالي أخذيني تراني ضعت) أنادي وماحد يمي ودموووعي تنزل تنزل وامشي ونادي وابكي مثل مصيح في الخلا
المهم قبل لاطلع من الحي لين هذا باص بنات الثانوي وينزلن منه لين في هذا الحي عمتي من الرضاع وبناتها يعرفني (كلن يعرفني من مشيتي المخيفه) قالن هاذي من اللي رايحه برى الحي بنت صغيره طالعه من المحافظه أهم وتعرفني ساره قالت هاذي بنت خالي ياويلي وينهي ذالفه أهم شي وينادن علي يادلوووووووووووووووووووووووعه وأنا سمعت صوتهن خيل لي الشيطان إنه واحد جاي بيخطفني
وأنا احذف شنطتي واحط رجلي طالعه برى المحافظه ويوم طالعني اركض راحن يركضن وراي وكانت فيه حجر قدامي واطيح على خشتي والدم يصب مني وياخذني معهن واقعد أبكي أبكي أبكي والم يمشي والموع تمشي وأمي قلقانه علي لان السواق قالها دلوعه مش موجوده في المدرسه وجات الساعه ثلاث ودورني امي وخوالي مالقوني لين هذا ابوي جاي من السفر قالتله امي دلوعه اختفت والله والرجال يروح فيها ليت التلفون يدق على بيتنا لينها عمتي تكلم أمي وتعلمها بالسالفه كلها ويجي أبوي وياخذني ويوم شفت أبوي وأنا أقوم ابكي وهويضمني ويبكي عاد في النهايه قمت اتهول على امي وابوي

يالله وروني ردودكم ومواقفكم