فرق السن والعمر كبير جدا كيف كذا مرتاحه؟؟

عندي قريبه لي هي بنت عمي متزوجه معاي بنفس الوقت
انااتزوجت شاب صغير بسنه عمرة ٣٣ سنه ونا عمري ٢٤
وبنت عمي عمرها ٣٣ سنه وزوجها عمرة بال٦٠
والله ي بنات موحسد لها لكن حياتها مختلفه تماما عن حياتي انا على تواصل مستمر معها واقارن بين حياتها وحياتي وهي ماتدري
اول ماانخطبت وعرفت عمر زوجها قلت يع كيف تقبل بشايب وايش حادها قلت ممكن بسبب انها تعرضت لحادث اختناق قبل ٣ سنوات وكانت ماتتحرك على كرسي متحرك ومشت بفضل الله ومع العلاج الطبيعي رجعت انسانه طبيعيه زينا تروح وتجي وحتى مشيتها مافيها شي بس صارت تتعب من شغل البيت وتزوجت
وجاب لها خدامه تساعدها بشغل البيت واثث لها بيت فخم جدا ماشاءالله تبارك الله واناالي اخذت واحد صغير بالسن تفكيرة تفكير شيبان كل شي عنده لامممنوع ولايجلس معاي بالبيت ابدا ولايسولف معاي يجلس ساكت على جواله اوعالبلاستيشن وبنت عمي هذي ماشاءالله زوجها يحبها مرة ومومقصر معها بشي دلع وفلوس وخرجات وكافيهات ومطاعم وحملت وانا لحد الان مااحملت والله موحسد لها ابدا بس اناافكر ايش ناقصني عنها مع ان زوجي صغير الا ان طلع عنده مشاكل بالسرعه الحيوانات المنويه وزوج بنت عمي،عمره بال٦٠ وحامل ماشاءالله ومومخلي عليها قاصر عايشه ومرتاحه وعندها خدامه ومقضيه حياتها تماشي وكافيهات ومطاعم هي وزوجها ماشاءالله
والله ان ليله زواجها لمن يمعت اخواني يتكلمون عن شكل زوجها وسنه وعمرة ماتوقعت ابدا انها راح ترتاح معه ابدا لان شكله شايب وكبير بالسن جدا بس للاسف طلع افضل من زوجي الشاب الصغير الي كل ماطلبته شي قالي ماعندي منوين لي واجيب القهوه وابغى اسولف معه مايرد علي الابكلمه ورد غطاها ومنهمك بجواله ٢٤ ساعه
تدرون ليش،اقارن بين حياتي وحياه بنت عمي موحسد لهالاوالله بس لاني اتزوجت اناوياها بنفس الفترة والوقت وكنا نجهز مع بعض،ونستشير،بعض،بالتجهيزات والتحضي،ات من كوشه وفستان ودبش ؟!بس سبحان الله كيف النصيب هي اتزوجت وارتاحت وانا اتزوجت وتبهذلت مع زوجي بخيل ماديا وبخيل عاطفيا
متخيلين انه ماعطاني للعيد الا٢٠٠ ريال وبنت عمي اعطاها زوجها ٣٥٠٠. اعطاها١٥٠٠ كسوة للعيد والفين ريال زودها لمن جاه ايجار واحد من محلاته وفوقها حامل ماشاءالله وباين عليها الراحه والدلع والوناسه ماشاءالله وانا مكانك سر حياتي من سيء،لاسوء
اعرف راح تتهموني بالحسد والغيره لكن لاوالله ماافكرت احسدها ولوتلاحظون كل مااقول شي اقول ماشاءالله بس انا وش ناقصني عنها وهي ماخذه شايب كبير بسنه عمرة بال٦٠ واناماخذه واحد بعز شبابه الاانه دافني بالحياه حسبي الله ونعم الوكيل
؟!