فرق العمر بين الزوجين ..محتاجه رايكم

السلام عليكم ورحمة الله وبركاته


.

عندي موضوع حيل مقلقني ومشتت دراستي وأخذ القرار فيه صعب وصعب جدآ

فقلت بطرحه هنا وأشوف نظرتكم ورايكم هو مثلي أو لا

:icon33:

وهو أنه جاني خطيب من مدة سنتين يصير ولد صديق أبوي ورفضته على طول بدون تفكير
والسبب عمره أصغر مني بكم مدري بس رفضته
كلمت أمه على أمي وقالت عادي مافيها شي والعمر مو عيب وكلنا عند رجالنا عجز <يعني كبار
بعد أشهر رجع ابوه وطلب من أبوي وقال حاول فيها وأنا شاريكم وأبي النسب منكم رجع أبوي وقالي وبعد رفضته وقلت أحسه بزر صغير
مانناسب بعض قال استخيري وبعد رفضت وانا ماستخرت
الحين رجعوا للمره الأخيره وبعد طلب من أبوي قال ولدي توظف وأنا للحين أبيكم وشاريكم حاول فيها ورد علي
أنا هنا خفت قلت غريبه وش الاصرار كم مره ارفض مايكفيهم
قلت عطوني كم الفرق بيننا أحسب سنه وكذا ..أثاري بيننا سنتين بالضبط
ترددت واستخرت والقهر عادي مو ابيه ولا ماأبيه فكرت فيه وحتى بحثت بالنت وطلع احد مأيد والاخر رافض وقلت أوكي مو مشكله
اهم شي رجل وفاهم وعاقل مب دليل العمر يا مافيه كبارين وعقولهم بزران والعكس
قال ابوي بجلس مع الولد واتكلم معه هو اللي يبي الزواج أو مغصوب
وجلس معه وطلع انه مو مغصوب وهو يبي الزواج عن قناعه
وعارف بالعمر قال عادي وعاجب ابوي وقال اهم شي مايدخن..
الحين أخاف ارفضه اتندم واخاف اوافق ويصير شي ..لان مافي احد بعائلتي كذا الا اللي قديم حيل بعمر أمي وأبوي وماشاء الله للحين
بس عيال أول غير الحين أنا هنا متردده من
1ـ عمره أصغر مني بسنتين
2ـ وظيفته عسكري وتوظف برى منطقنا بيننا حوالي 400كيلو

<وكنت ما أبي عسكري وهذاه جاني >


:42:


للمعلوميه :


عمري 24 وعليكم الحساب




ي الله ريحوني لو بكلمتين ..

:(

سامحوني على العجله وحوسة الموضوع :44: