فرق شاسع بين جيلنا وهذا الجيل

مساء الخير
انا في أواخر الثلاثينات من عمري اشوف بنات هذا الجيل الي في سن المراهقه والجمعه والثانوي ماشاء الله عليهم شخصياتهم قويه يا خذون حقوقهم ويدافعون عن أنفسهم ما احد يدوس لهم على طرف مافيه احد يقول لوحده منهم قليلة ادب او على الاقل ينصحها اذا اخطئت عكس جيلنا مو كلنا بس الاكثريه أوضح لكم اكثر في المدارس كانو المعلمات يرسلون طالبه روحي جيبي كذا اما الان لو ترسل معلمه طالبه او تامرها بشئ كان يا لطيف
أيضا قبل اسبوع كنت في زياره لخالتي بنتها المتزوجه أمرت اختها الصغيره الي في سنه تحظيريه قالت لها حبيبتي روحي جيبي البخور من فوق ردت عليها الصغيره قالت اياني وإياك تامريني ثاني مره ترى ما اسمح لك قومي انت جيبي طبعا امهم الي هي خالتي ما انتقدت عليها ابدا عاد انا تذكرت حالي يوم كنت بينها واكبر يا ما وياما خالاتي وعماني وحرمت خالي يامرونني حتى ليته في أسلوب لطيف لا العكس اذكر خالتي تغير لولدها البامبرز أكرمكم الله ثم تدمدها لي تقول حطيها في الزباله وياما وياما يقوموني وانا اكل يمكن ٣ مرات روحي جيبي كاسه ملعقه ووووو اذا دافعنا عن أنفسنا بطريقه مهذبه قامو علينا قلة أدب مو متربيه فيها ومافيها ووووالزبده اني افكر في حالي قبل وحال كثير من جيلي كيف نسمح لاحد يعامولوننا كذا هل هذا خوف ام ضعف شخصيه ام ايش