بسم الله الرحمن الرحيم
السلام عليكم ورحمة الله
يسعد صباحكم ياأحلى عالم وياأحلى قسم وياأحلى البنات
صراحة يعجز لساني عن شكر كل العضوات والمشرفات في هذا القسم اللي نفعني كثييييييير بعدالله في تغيير نظامي ويومياتي المنزلية وفتح عيوني على أشياء كثير ة كنت أجهلها
واليوم حابة أرد جزء صغير من جميل هذا القسم اللي أقصر معاها دائماوان شاء الله الجايات أكثر
القصة ومافيها ان مطبخي(في شقة اجار)ومسببلي شوية اكتئاب ألوان السيراميك على الجدران على البوية على المساحة كلها ولله الحمد مو عاجبتني وصرت دائما أستثقل تنظيفه (العميق طبعا) أوتزيييييينه أوالشغل فيه كثير أحس نفسي متضايقة أبغى أخلص بأسرع وقت وأخرج ..عكس مطابخي اللي جربتها قبل كانت وسيعة وألوانها فاتحة والتنظيف يبان فيها فعلا >>>>>>>>>طولتها صح
بناء على ذالك علشان أشجع نفسي قلت أصور تنظيفي وأوري بنات حواء شغل ايديه ان شاء الله يشجعوني وأصير أسنع وحدة في القسم وأخليهم يملون من مواضيعي
وبداية استلمت الفرن المسكين ورجعته عريس (مع بعض الاعاقات البسيطة وهيهات هيهات للشيب أن يعود شبابا) وأترككم مع الصور
المرافقين
طبعا أنا والبرد أعداء فأول شئ سويته دخلت دفايتي معايه المطبخ
وعلشان ماأمل بسرعة وأبطل شغل أخذت مسجلي وحطيت شريط مفيد يسليني
وكانت استعانتي بالله أولا ثم بمنظفاتي المفضلة :
بخاخ 409 متعدد الاستخدامات ____ منظف الزجاج ريحته رهيييبة ___
اسفنجة____ وفرشاة أسنان قديمة ___ممسحة ناعمةتمتص الماء
فرني ألحين مستحيييي ومنحرج منكم لأنكم شفتوه بهذا المنظر المخزي لكن مايصير خاطره الا طيب بعد شوية نراضيه ويرفع راسه من الحلاوة
وهنا كمان الأرضية من ثلاث جهات وكلها نظرات ترجي نظفيني الله يخليك مدام (طيب خلاص دورك جاي لاتستعجلين)
الحين بدينا الشغل وهنا عملية تنقيع لعيون الغاز في موية حااااااااارة مع ملح الليمون لمدة نص ساعة
وبعدين فركته بكل ماأوتيت من قوة بالسلك( مو عيون العريس لازم نلمعها تلميع )
لكن لللأسف اللهب ترك عليها بعض الاثار اللي غيرت لون العيون من الداخل بس
وبعدين غسلتها وتركتها تنشف واخر شئ لمعتها بلمع الزجاج
أثناء النص ساعة رحت على قزازة الفرن الداخلية وأول مرة أغامر وأفكها لأني وحدي وأخاف لاتنكسر لكن هذي المرة توكلت على الله وفكيتها
أخذت لصق شطرطون ولصقت القزازة الخارجيةبالباب حق الفرن علشان تثبت مع بعض وماتصير مصيبة لاتحمد عقباها
بعدين شلت القزازة بكل هدوء بخيتها
ب409تركتها شوية وبعدين فركتها حتى نظفت تماما وشطفتها ونشفتها ولمعتها
وقبلها طبعا بخيت البوتغاز كااااااااااامل من الداخل والخارج ب 409 مذيب الدهون
وبعد ماتركته شوي هجمت عليه هجوم شرس بكل الأسلحة المتاحة من كل الجهات (عريس ويحتاج حمام مغربي على أصوله لكن نسيت البخار هههههههههه)
وهنا أسلحتي(عودأذاني وفرشاة أسنان وممسحة ناعمة) اللي حاصرت الأوساخ من كل مكان والشاطر اللي يفلت من يدي
-
-
-
-
الله يخليكم ياقمرات لاأحد يرد لولا الصلاة ماقطعت موضعي رااااجعة
هنا بعد الفرك الشدييييييد والمسح والتلميييع علشان ينظف الحبييييب ويرجع عرييييس (اش رايكم بس في السجع)
أخيرا جاء دور الأرضية الصبورة اللي شايلة وساكته ومتحملةكل العذاب فوقها
الحين تكشخت تبغى تحتفل مع العريس (مالها رب يعني)
غسلتهابموية حااارة مع كلوركس وصابون وشطفتها ولمعتها
آآآآآآآخر مرحلة التلميع الكامل من كل الجهات بمنظف القزاز صار يلق لق
هنا حركة استفدتها من مزايا انسانة الله يذكرها بالخير
أخذت كرتون رول (حق لفة سفر أولفة قصدير )وضغطته وغلفته بالقصدير ودخلته بين الدولاب والبوتغاز علشان ماتدخل الأوساخ بينهم
تغطوووووووووووا ياحريم
العريس دخل
هاه وش رايكم رجع عريس والا خلاص راحت عليه
يالله أنتظر التصفيق والتصفير والتشجيع علشان أشد حيلي وأجهز العروسة (ثلاجتي) وأوريكم أناقتها ونفرح بالعرسان ونسوي هيله وزمبليطة >>>>>تهجوها على مهلكم ههههه
مسموح دخول المشجعات وممنوع دخول المحطمات