فرن ناره من الخلف فقط + صورة

السلام عليكم ورحمة الله وبركاته حبيباتي,,

باختصر عليكم الطريق وادخل دووووغري في المووضوع,, فرني ناره من الخلف بس , مو زي الأفران العادية اللي النار فيه على شكل حرف يو تقريبا, وجاب لي المرض الأكل مو راضي ينجح فيه. تعبت والله ومدري اش اسوي. اليوم سويت كيكة وقعدت ساعتين ونص تقريبا ولا استوت!! بس الجوانب ومو مرة ومن النص عجينة وشكلها يفشل مرررة ,, ومرة جاتني ضيفة وقمت ابغى اعشيها واسوي لي صينية دجاج بالخضار في الفرن في صينية بايركس وتقعد حوالي ساعتين كمان!! مرة تفشلت من البنت مررة مررررة ,, في الأخير قمت كبيت محتوى الصينية كله في قدر وطبختها على عيون البوتجاز وقدمت العشاء بعد طول انتظار وعناء كل شوية وانا استأذن منها واروح المطبخ من جد فشلة. يابنات الله يسعدكم كيف استخدم ذا الفرن؟ كيف اطبخ فيه؟ اش اسوي في عمري انا؟ له حل ولا أرميه في الشارع وأقعد بدون بوتجاز أحسن واللي يصير يصير <<< خلاص طفح الكيل وبقوة كمان ههههههه .. لا عاد مو لهذه الدرجة بس والله من جد مرررة طفشت مرررررة بزيادة ومني عارفة كيف اتصرف ولا كيف اطبخ فيه؟
وهذه صورة للفرن المصون:


IMG00197-20110920-2358



شوفوا حضرة النار المصونة قابعة في الخلف, الله لايعيدها من نار من جد كرهتها :06:
الله يسعدكم ساعدوني فرجوا كربتي عسى ربي يفرج كرباتكم ياااااااااااااااااارب

أختكم الحايسة في الغربة