المقادير فروج او ٢ حسب الرغبة
بهارات الدجاج انا عندي ٣ انواع بحط منن
بودرة التوم
بهار اسود
ملح
للرز بدك بصلة فصين توم بهارات مشكلة سبع بهارات بودرة الزنجبيل بهارات منسف ملح وبهار اسود وكوب خضرة مفرزة وكوب ونص رز
اول شي منعمل الرز
فرمي البصل واقيله بالزيت حتا يدبل اضيفي التوم واقليهم حتا يدبلو مع بعض.
بعد ما التوم والبصل دبل اضيفي كل البهارات وحركي منيح علا نار خفيفة
اضيفي الرز المغسول وحركي جيدا
اضيفي الخضرة المفرزة وحركي جيدا
صبي المي فوق الرز انا بصراحة ما بعير انا بحط عالنظر وجيبي واحد مكعب ماجي علا لحمة وفرطيه فوقون
قوي الغاز وتركيون يغلو وبس يغلو نوسي الغاز غطي الطنجرة وتركيهم يستو عمهلون نجي للدجاج اكيد نضفيه وفركيه بالخل زالملح والحامض وبعدين اضيفي عليه كل البهارات والملح وحطيه بصينية الفرن
بس يكون الرز ستوا احشي الفروج بالرز وفيكي تحطي بالصينية خضرة متل ما انا عملت حطيت بطاطا وجزر وبروكلي مع الفروج غطي الفروج بالقصدير ودخليون الفرن وتركيه يستوي عرياحتو وبس يستوي طلعيه وسكبيه بصحن التقديم وصحة وهنا
