بسم الله والصلاة والسلام على رسول الله
بسم الله الي لا يضر مع اسمه شيء في الارض والسماء وهو السميع العليم
صار لي كم يوم وأنا باديه في المفرزنات الحمدلله و الفتره الاخيره الله يهديني ههههه كنت كل ما جبت شي للفريزر فتحته و حطيته واقول يجيه يومه والحمدلله جا يومه
و طلعت كل شي فيه و رتبه من جديد
نجي بسم الله لقبل و سموا بالله هههه
بديت أولا بدجاج كنت متبلته من أمس قطع فيليه قطعتهم بالطول و خلطت زبادي و شوية بهارات و شوية أوريقانو و ليمون و خل و ملح و فلفل اسود طلعتهم من الثلاجه
بعدين تبلتهم بطحين و جبت علبه للفريزر و حطيت جزء حق استخدام يوم بعدين قصدير علشان اقدر اعزل بسهوله بعدين جزء ثاني
لين عبيت و الحمدلله علبتين
و كنت مسويه امس كفتة دجاج و فرزنتها
طريقتها تجيبين دجاج أو لحم مفروم تعجنينه مع شوية قسماط و بهارات و فلفل اسود و بقدونس وكزبره مفرومه وبصل مفروم وبعدين تكورينها و تدخلينها الفرن تحت لين تتماسك بس بعدين فرزنيها واستعمليها للي تبين سواء داوود باشا أو اي شي ممكن تسوينها طوال و تقلينها وقت الحاجه و تحشينها ساندويتشات أو تسوينها دوائر مسطحه للبرقر المنزلي
و كان عندي فلفل بارد كميه كبيره قطعته أمس قطع صغار حق حشوات و فرزنته طبعا من راسي الفكره هههه بس الحمدلله قالت لي هنادي إن طريتي صحيحه اهم شي إنه من الفريزر للنار وقت الحاجه
وآسفه إن بعض الصور مقلوبه ما عرفت أعدلها :(