بسم الله الرحمن الرحيم
كيف الحال خواتي..الحياة حلوة صح
أبشركم يا بنات حياتي تغيرت 180د ولا صارت عندي مشاكل فحياتي مع زوجي ولله الحمد لدرجة إننا صرنا ندور عالمشاكل من شوقنا لها:22:بالله عليكم في أحد مثلنا..الله يبعد عنا المشاكل وعن جميع المسلمين.
المهم حياتي ما تغيرت إلا بعد ما سويت هالشي(سري الخطير)والا أنا كنت في مشاكل وحياتي متنغصة علي..
فلذلك قبل ما أقولكم عالسر خلوني أروي لكم قصتي الحلوة بس قبل كل شيء قولوا تبارك الله لا تعطوني عين:biggrin:
بسم الله نبدأ..
قصتي يا حلوين اني متزوجة لي تقريباً سنة وما رزقت باطفال للان عسى ربي يرزقني وجميع الاخوات ..الصراحة فأول شهر من زواجي كان زوجي ما يتحرك من البيت طول اليوم وهو في حلقي ويناظرني>>يا حلاتي:S_45:عين الحسود فيها عود
بعد هالشهر صار زوجي يطلع من البيت ويفرفش مع شلة الأنس :dry:الله لا يردهم
وصار يطلع ويطلع وأنا أبقق عيوني:icon810: أقول الرجال كرهني ولا شالسالفة..وصار وجهي يتمعر ويتغير قبل كل طلعة له وبعد رجعته..نكد
وصار يتأخر فرجعة البيت يعني 432 وأنا أحبه وأباه لنفسي وبس>>كنت طماعة بس الحين تسنعت
الموهيم صرت أبربر وأقوله ما صرت تقعد في البيت يقولي بطلع مع الشباب مثل ما تروحين عند اهلك انا اطلع وكثرة البربرة خلاه يصدمني بقولته الشهير(تبيني أقعد طول الوقت أناظر فيكِي):icon33:كانت بالنسبة لي الصدمة الكبرى أنا مو متعودة يكون وجهي لوح وهذا الجرح الى الان موجود في اعماقي ومابنساه قلبي أسود
وبعدين صرنا كل يوم ونتطاق يقول شي اقول لا لا وبس مطيحة على بيت اهلي وجاء العيد السعيد وياليته ما جاء كانت لي في ليلته صدمة أقوى وكان هذا بعد شهر من زواجنا تقريبا...تخيلوا قاعد يكلم واحد من الشباب ويقول له طيب وانا كنت متعدلة بدخل عند الحريم وانا اسمع واسوي نفسي بريئة ما سمعت الخلاصة ان الشباب قرروا انهم يروحون يكشتون في منطقة بعيدة ويباتون هناك يوم يومين وانا انصدمت ان زوجي فرحان و يقولهم طيب جايكم الحين
واذا قلتوا وين المشكلة الرجال بيستانس في العيد اقولكم المشكلة ان هذا اول عيد لي معاه ويا فضيحتي فضيحتاه وجهي بيطيح من الفشيلة قدام اهلي واهله وكلهم بيطلعون يتمشون في العيد الا انا.
السر في التغيير كان معنا من بداية الزواج وهو الدعاء لزوجي بالرفقة الصالحة وان يبدله الله خيرا من رفقته ويبعد شلة الانس عنه لانهم هم ماخذين حياته لا صلاة على وقتها سهر ومشاهدة افلام خليعة ومكالمة البنات عالمسنجر وكم مرة اكتشفه يكلم بنات في المسنجر ورحت قلت له بطريقة غير مباشرة راح يعتذر ويقول ما اكررها ابدا وحس بتانيب الضمير لان شكلي يكسر الخاطر:icon33:
وبعد فترة اكتشفت ان يكلم بنات عالمسن يعني ما في فايدة كم مرة اكشفه بعد كذا ورحت كلمته وقلت اني احبك وانصدمت فيك واذا محادثة البنات تريحك كلمهم وما بتكلم أمري لله وصار تعاملي معاه رسمي يعني اخدمه بس ما اضحك معاه ولا اسولف ولا شي وزوجي الحمد لله طيب جدا وقلبه حنون رجع يتاسف وقال توبة بس انا قلت له ما عاد اصدقك خلاص سوي اللي بتسويه>>أخاف يصدق:blink:
وبس حسيت مالي غير الدعاء وصار الدعاء عادة لي دااااااايما ادعي ان الله يغير رفقته واعيط وطولت السالفة وانا ما يئست من الدعاء
وكان يرجع من الشغل يتغدى وينام ويقوم يطلع عند شلته ويرجع ينام يقوم للشغل يرجع يتغدى و.....الخ وتستمر الانتفاضة
لحد ما قلت كلمته في الموضوع انك ما ىتجلس بالبيت قال مقولته الشهيرة طبعا كالمعتاد وقال لا والله ولا يوم ارجع من الدوام اجلس مع من وبعد العشاء وقبل النوم عالسرير نسولف قلت لا والف لا انت اصلا ما ترجع للبيت الا عشان تاكل وتنام وتدخل الحمام:angry2:هذا اللي فالح فيه وقصدك انك تكلمني يوم ترجع نكون اصلا نتغدى فاكيد بتتكلم بس الغدا ما ياخذ وقت وبعد العشا نتعشى نفس الشي وعالسرير بننام يعني سالفة فخاطرك تقولها تحذفها وتشخر بعدها في غير كذا!!
ممكن يا بنات اخذ استراحة
ذكرتوني بالايام السودة الله لا يرجعها علينا
طيب اذا عجبتكم رائعتي وتبون اكملها اطلبوها مني في اقرب مكتبة >>اقصد في الموضوع:oوسلامتكم
من أناا @mn_anaa
عضوة نشيطة
يلزم عليك تسجيل الدخول أولًا لكتابة تعليق.
@دمعة موادع@
•
...........!!! كملي ...........<<
من أناا
•
كملىكملى
نكمل الموضوع..
بعد كذا فقدت الامل اني انصح زوجي اول اكلمه لكن ما فقدت الامل من الدعاء حسيت ان ربي بييسر لي امري ولو بعد حين وصبرت الى سبحان الله قبل شهرين تقريبا رجع زوجي للبيت كالعادة متأخر وقمنا ننام حسيت في عنده شي يفكر فيه لكن سكت مع انه الفضول بيقتلني:06:
راح يقول كلام غريب قال سبحان الله كيف نحن مقصرين بحق ربنا
وسبحان الله وسبحان الله ....ومن هذا الكلام اللي عن الدين والاحساس بالذنب وفحياته ما كلمني في الدين ولا كان على باله ..وكانت هذي بداية التغير الجذري في حياتي..
استغربت ورحت سالته وانا مبتسمة:شو فيك صار شي ولا حد كلمك ..لاني قلت مستحيل زوجي يكون كذا الا اذا صار شي غيره
المهم رد علي وقال:اليوم قابلت اثنين من اصحابي من ايام المراهقة وما شاء الله عليهم التزموا من فترة وكلموني عن تقصيرنا كلنا وسمعوني قصص في البلوتوث مؤثرة ونصحوني واتفقت معهم انهم بيدقون علي مع الاذان يصحوني للفجر ويصير بيننا اتصالات..خلاص انا عاد من الفرحة عيوني تترقرق وكنت بصرخ من الفرحة:icon28:الليلة عيد
وبعدها نمنا وبعدين مع الاذان دق صاحبه وقال يلا قوم صلي قام زوجي منطلق عالحمام توضا وطلع عالمسجد وأنا رحت اصلي ومن الفرحة قاعدة اصيييييييييييييييح:icon33:واحمد ربي انه غير رفقته واستجاب دعوتي ولعلمكم زوجي قبل كان الفجر ومعظم الصلوات يصليها متاخر وفي البيت واذكر مرة صحيته للفجر وكنت متحمسة سمعت شريط محاضرة وقلت لازم يصلي في المسجد يوم صحيته قام ركض عالحمام وانا استغربت ولما نزل من الحمام توحش علي وقال ليش صحيتيني انا ما قلت لك صحيني عالدوام انا انصدمت يعني لهدرجة ازعجتك لاني قومتك للصلاة!!
نرجع لموضوعنا بعد الفجر ما رجع للبيت انا خفت في البداية بس قلت ان شاء الله خير ورجع تقريبا بعد ساعتين ومستانس سالته وينك قال صاحبي المطوع اخذني بعد الصلاة وعزمني عالفطور في المطعم بمناسبة صلاتي في المسجد..وتم زوجي على هالحال يوميا وصار يرجع للبيت مبكر والصلوات كلها في المسجد واكثر الوقت مع اصحابه الملتزمين صح اني تضايقت انه يتاخر بعد بس عالاقل مع ناس ثقة بس تقريبا كم اسبوع وبعدها صار يقعد معي في البيت وما يخرج الا اذا شي مهم ونطلع نتمشى انا وياه وصار يقولي كلام حلو ويقول:اني مرتااااااااااااح الحمد لله واحمد ربي ان زوجني منك وتعرفين اني صرت احبك اكثر واكثر وزيادة على ذلك صار يبر باهله وينصحهم وانا كان من ضمن دعائي المعتاد ان الله يجمع بيننا في خير ويجعل بيننا المودة والحب والرحمة وان يجعله عونا لي على طاعته وان اكون له عونا على طاعته وسبحان الله صرنا نصحي بعض للصلاة وندعي وايضا زوجي قبل التزامه كان بيموت يريد اطفال وانا ما بيدي شي حتى كان يزعل مني وانا مهمومة ما اعرف شو اسوي
اما الحين صار يقول هذا قدر الله ومكتوب ويمكن في هذا الخير وانا قلت له تزوج اذا تبا عيال قال لا انا احبك انتي وابا منك انتي عيال واذا ما رزقنا ربنا فالحمد لله على كل حال وصار ما يطالع تلفزيون ولا قنوات وسخة وما يفتح المسنجر او النت لدرجة ان ما عندنا تلفزيون فبيتنا مع انه دايما يهددني انه بيجيب تلفزيون وكل القنوات بعد وشلته السابقة تركها نصحهم كم مرة وشاف منهم الاستهزاء فتركهم وصار يسمع محاضرات بكثرة ويوزع مصاحف و و و....الخ
هذه قصتي والحمد لله على كل شيء واتمنى من الاخوات ان لا يهملوا الدعاء فسهام الليل لا تخطي واسال الله ان يسعد جميع الازواج وان يتمم علينا بخير وادعولي اخواتي بالذرية الصالحة.
:)
الصفحة الأخيرة