فززعتكم .. اللي تحس انها بتقدر تحل مشكلتي تدخل .. وغير كذا ماأرضى

مساء الخير لأحلى أخوات في هالمنتدى الأكثر من رائع ...
أتمنى يكون الكل بألف صحه وعافيه ...
اولا باركوا لي طلعت نتيجة فحص الزواج والحمد لله صرنا متوافقين .. :D
ثانيا ادعوا لي الله يعافيكم ويخليكم وجعل من دعت لي لها مثل مادعت .. تكفووووون يابنات لاتنسوني من دعواتكم ان الله يوفقنا ويسخره لي ويحببه فيني .. ويصبرني لأن الزواج :icon28: بعد سنتين تقريبا ... :(

وأخيــــــــــــــــــــــــرا واللي هو صلب الموضوع بنات انا عمري 24 سنه ومااعرف أستشور شعري بنفسي ... تخيلتوا :30:
مأساة بصراحه إذا كنت معزومه اقعد أترجى خواتي وأدفع لهم فلوس علشان يستشوروني أحيانا يوافقون وأحيانا يكون الوقت ضيق ويالله بس يستشورون أنفسهم ... ودايم يهزئوني ويقولون تعودي انا حاولت بس ماقدرت ... وبصراحه أخاف شعري يخرب من كثر ماأجرب فيه وش تنصحوني به !!
واللي عندها طريقة تشح لي تكفوووون ؟!
وهل انتم تعرفون تستشورون شعوركم والا مثلي متى ماجت عزيمة صرتي بصراع بس تدورين أحد يصلح لك شعرك !!!
وأنتم عارفين انا على وش جواز صح أني مطوله بس أبغى أعرف وأضبطه .. تخيلوا أطلع له ماشخصت والا أقول ابروح لخواتي يستشوروني <<<< أنواع التصفيق بيجيني منه :D
بصراحه أنا بديت أهتم بشعري أدهنه من وقت لوقت وأحنيه .. وبديت أشيل شعر جسمي بالليزر مالي غير جلستين وباقي تقريبا 6- 8 جلسات <<< انواع الآلام
بس وجهي بدت تطلع فيه حبوب على خفيف من بعد الليزر ولا أدري وش أسوي بصراحه خايفه ... وودي أعرف هل اذا خلصت بتروح أو اذا خلصت من الليزر نهائيا أسوي تقشير ويروح من جد بالي مشغول ...

يالله يابنات كل وحده تقرأ موضوعي وترد باللي تقدر عليه وفاهمه فيه ... يعني وش تنصحيني بهالفتره أسوي وش أهتم فيه ... كل شيء <<< تراها مستفزعه فيكم ....